top of page
ggzsjjg.png

FALTA DI SERIEDAT PA ATENDÉ ASUNTUNAN DI PUEBLO

Segun Daisy Coffie tur hende ku ta sigui reunionnan den Konseho Insular mester ta di akuerdo kuné, ku e aktual gobernashon sostené pa UPB i MPB no ta atendé asuntunan di pueblo ku seriedat.

Ta malusá nan mayoria pa pasa tur loke nan ta kere i no ta tene kuenta ku loke kasi mitar di representashon di pueblo ta trese dilanti komo krítika konstruktivo i/o aporte di ideanan na interes di pueblo.


Tratamentu di presupuesto ku ta e dokumento mas importante di gobernashon di nos isla ta ser aprobá sin ku gobièrnu ta splika pakiko nan no a usa e fondonan ya aprobá.

Tampoko dikon tin ku usa fondonan di reserva pa bin ku proyektonan.


Segun Coffie, den e último reunion por a konstatá ku no ménos ku 44 persona a keda tumá den servisio di gobièrnu riba e asina yamá OVO ku ta un kontrato di trabou spesial pa hasi sierto tareanan.

Ta konosí ku un hende riba OVO ta risibí tres biaha montante na salario ku un empleado ku ser tumá den servisio di gobièrnu sea riba un kontrato pa tempu definí o den servisio permanente. Pa kolmo no ta buska

yunan di tera pa okupá e funshonnan aki, pero mas ku 90% ta Hulandes Oropeo.


Mirando e tempu ku koalishon a akordá pa atendé e presupuesto, esta sinku minüt, tabata imposibel pa mi por a trese mas detayá entre otro e asuntu aki dilanti.


Djamars awor ‘awe pues’ si CFT duna konseho riba e kambionan ku frakshon di Partido Demokrat a entregá nos lo mester bai biba atrobe ku koalishon lo vota na fabor di e presupuesto ku tur e defisiensianan ku esaki tin. Despues di a konsultá interno, mi ke informá pueblo ku ami lo no por bai di akuerdo ku e presupuesto presentá i mi ta evaluando ku si mi mester bai e reunion ei mes, Segun Daisy Coffie.


Mas aleu den su komunikado; Coffie ta menshoná ku ainda tin riba mesa tres rapòrt ku mester tratá, esta rapòrt Chogogo, rapòrt di rotònde i rapòrt di Bonlab. I no lubidá ku e vupá ku koalishon a kometé pa loke ta e moshon pa a investigá e papel di gezaghèber i tambe a keda tapá awor ku e santu ilegal ku e mesun Chogogo a basha kantu di laman.


Segun Daisy Coffie, djárason awor su frakshon tambe ta forma parti di e delegashon ku ta bai Hulanda i e ta bai ku dos mishon, esta konvensé Ministerio di VWS ku Boneiru mester tin dos laboratorio, opviamente ku kòntròl di akreditashon riba e nivel di servisio ku e ta duna.


Su di dos mishon ta pa konvensé minister Carola Schouten i buskando den esaki sosten di miembronan di Tweede Kamer pa introdusí e mínimo sosial si ta posibel entrante 1 di yanüari 2023 i no warda te 2025.


Banda di esaki lo mi hasi esfuerso pa sostené diputado Nina den Heyer pa nos logra ku akohida di mucha lo bira kompletamente grátis.

Tambe e lo trata na hiba kòmbersashon ku ministerio di enseñansa pa studiantenan di Boneiru ku ke studia pafó di Hulanda por bin na remarke pa finansiamentu.

Tambe lo sondia unda tin fondonan supstansial relashoná ku konmemorashon di 500 aña Rincon pa yega na un bon sentro pa enkuentronan sosial, deportivo i kultural den Rincon.


===========================================

BròKèS 93.5 ………… Skuch’é!

1 view

Σχόλια


BROKES 93.5 - Mas i Mas ta skuch'e

Kontakto

Buskando mas informashon?
Tuma kontakto ku nos awe mes.

STUDIO; +599 701 0935

Djòni Leoneta; +599 786 9091

Ethel Leoneta; +599 796 9133

Djaluna pa djabièrnè

8or di mainta pa 6or di atardi

  • Instagram
  • YouTube
  • Facebook

Danki pa komunuika ku nos!

Nos Klientenan Felis

"Add a testimonial that a happy customer or client has said about working with you."

Amanda Johns, COO, HORIZON

Diamonds Music Logo.jpg
mcb.png
Untitled_edited.jpg
Logo - My Eye Optical.jpg
Bashi.png
bottom of page