Sekretario di estado Alexandra van Huffelen (Relashonnan den Reino i Digitalisashon) a inougurá e proyekto di konstrukshon di bibienda ‘Under the Hill-2’ na Saba.
E proyekto akí ta konsistí di tres edifisio ku 18 kas di 1, 2 i 3 kamber. Sekretario di estado Van Huffelen tokante ‘Under the Hill-2’: “E proyekto akí ta demostrá ku ta posibel pa konstruí kas di hür sosial pagabel na Saba. Ku esfuerso i perseveransia a logra transformá un seru hopi règt den un hogar nobo pa personanan ku tin mester di un kas pagabel urgentemente. ‘Under the Hill-2’ ta brinda e hendenan na Saba perspektiva.
E ta demostrá kuantu un kolaborashon entre partidonan entusiasmá por produsí. Un bunita resultado na un sitio presioso!”
Kolaborashon durante konstrukshon ; A konstruí e 18 bibiendanan di hür sosial riba enkargo di Entidat Públiko Saba (OLS) i korporashon di bibienda ‘Bazalt Wonen’. Danki na un supsidio di Union Oropeo a realisá e kaminda i muraya pa wanta awa i piedra.
Ministerio di Asuntunan Interno i Relashonnan den Reino a sostené e proyekto finansieramente pa finalisá konstrukshon di e kasnan. Entidat Públiko Saba a suministrá 18.000 m2 di tereno di gobièrnu pa e konstrukshon.
50 kas di hür sosial adishonal; E proyekto ‘Under the Hill’ ta konsistí awor di 38 bibienda: 20 den fase un i 18 bibienda ku a entregá awe den fase dos. Ta kompletá e kantidat total di 38 kas ku otro 50 kas pagabel mas. Esei a palabrá den un Letter of Intent entre sekretario di estado Alexandra van Huffelen, kolegio ehekutivo, Bazalt Wonen i e organisashon di bibienda sosial lokal OYOHF.
Agènda di maneho Hulanda Karibense; Skarsedat, preisnan ku a subi i kresementu di e poblashon ta pèrkurá ku kada bes pa ménos hende un kas di hür òf kas propio pagabel ta algu normal na Hulanda Karibense.
Pa e motibu ei, huntu ku e islanan, a formulá un agènda di maneho pa hasi bibienda pagabel posibel pa mas hende i protehá e ambiente di biba riba e islanan.
.png)
Komentarze