Entrante 3 di Novèmber 2024 Corendon Ku Buelo Dos Pa Siman pa Boneiru

Entrante 3 di novèmber 2024 Corendon Dutch Airlines ta inisia su buelo for di Amsterdam pa Boneiru. Esaki despues di e éksito ku buelonan di Amsterdam pa Kòrsou i e demanda kresiente pa un fakansi na Boneiru.

Dos biaha pa siman, riba djasabra i djadumingu, Corendon ta bai Boneiru ku su propio avion, un Airbus moderno, A350. E ta un servisio programá, ku ta hasi possible pa kumpra ticket los, sin un pakete pa hotel. Un pasashi por wòrdu reservá kaba for di 299 Euro.

E vuelo pa Boneiru ta un buelo kombiná riba e ruta pa Kòrsou (AMS-CUR-BON-AMS).

Na Kòrsou, e avion ta kambia tripulashon pa e sigiente parti di e buelo.

Gunay Uslu, CEO di Corendon: "Boneiru ta un isla asina bunita, p'esei mi ta hopi kontentu ku awor nos por ofresé nos mes buelonan. E biaheronan por opta pa un seri di hotel spektakular ku Corendon ta traha kune. Òf simplemente por reservá un pasashi separá pa bishitá amigunan òf famia na Hulanda òf Boneiru. Danki na e eksperensia ku nos tin ku bula pa Kòrsou, a bira un paso lógiko pa ekspandé nos servisio pa e dushi isla Boneiru.”

Habitashon eksklusivamente pa Corendon. Ademas di e ekspanshon di buelonan, Corendon tambe ta ofresé un variedat di akomodashon na Boneiru.

Corendon tin asosashon eksklusivo ku Van der Valk Plaza Island Residence. Ta trata di un kompleho di kuater strea ku setenta apartamento riba e kompleho nobo.

Ademas, biaheronan por disfrutá di Resort Bonaire, un alohamento di kuater strea ku hospedahe, ku ta eksklusivo pa huespet di Corendon. I pa esnan ku ta buska un eksperiensia premium, Belnem House Bonaire ta ofresé apartamentonan di luho di kuater strea ku a habri aña pasá i ku por reservá solamente via Corendon. En total, e oferta lo konsistí di binti akomodashon inkluyendo e oferta di e label By June.

Eskala chiki i leu for di tur kos; E label By June ta amplia e gama di akomodashon riba skala chikí na Boneiru. E produkto turistiko di By June ta enfoká riba vakashon den un alohamentu riba eskala mas chikitu, leu for di multitut di hende i den un lugá idiliko.

E alohamentu semper ta inklui un outo di hür pa asina e huesped por eksplorá e isla fásilmente.