top of page
ggzsjjg.png

ENTIDAT PÚBLIKO BONEIRU TA ATENDÉ KU HÜRMENTU REKREATIVO ILEGAL


Entidat  públiko Boneiru ta trahando duru pa atendé seriamente ku e problemanan kresiente ku hürmentu di alohamentu rekreativo ilegal ku turista na Boneiru. Durante e último añanan hürmentu rekreativo ilegal ku turista na sitionan kaminda esaki no ta pèrmití segun e Plan di Desaroyo Espasial Boneiru (ROB), a krese konsiderabelmente. Esaki a kondusí na hopi problema, entre otro desekilibrio riba merkado di bibienda, pa motibu ku ta saka e kasnan akí for di e oferta lokal. E aktividatnan akí no ta perhudiká solamente nos komunidat lokal, pero nan ta forma un menasa tambe pa e balor riba merkado di propiedat rais inmóbil na Boneiru. 


E atendementu ku hürmentu rekreativo ilegal ku turista, ta forma parti di un proyekto di prueba ku a kuminsá pa motibu di un kantidat grandi di keho. Direktorado di Supervishon i Mantenshon di Lei ke pa ta bon kla pa tur hende ku nan ta imponé medida di mantenshon di lei i ku na final di e proyekto di prueba akí ta bai implementá e aserkamentu di hürmentu ilegal na henter nos isla.


Entidat públiko Boneiru ta duna di konosé ku e aserkamentu no ta solamente enfoká riba paramentu di aktividat ilegal, pero tambe riba protekshon di hürmentu di alohamentu rekreativo na turista na sitionan kaminda esaki segun e Plan di Desaroyo Teritorial Boneiru (ROB) sí ta pèrmití i kaminda nan ta disponé di e pèrmitnan korekto. E hürmentu ilegal hopi biaha ta resultá den un situashon kaminda e entradanan di hür ta disparsé bai den eksterior, ku un aporte minimal na empleo, loke no ta kontribuí na bienestar di nos isla i nos poblashon lokal.


E esfuersonan di Direktorado di Supervishon i Mantenshon di Lei ta di importansia pa duna oido na e preokupashonnan relashoná ku hürmentu di alohamentu rekreativo ilegal ku turista i pa salbaguardiá kumplimentu ku legislashon i regulashon.

E meta ta pa krea un ekilibrio, kaminda nos komunidat lokal por floresé i kaminda Boneiru su bishitantenan por gosa di un ambiente seif i hospitalario.


Pa mas informashon wak riba: https:// https://bonairegov.com/pa/habitante/pone-kas-na-huur

BròKèS 93.5 ………… Skuch’é!


14 views

Comentários


BROKES 93.5 - Mas i Mas ta skuch'e

Kontakto

Buskando mas informashon?
Tuma kontakto ku nos awe mes.

STUDIO; +599 701 0935

Djòni Leoneta; +599 786 9091

Ethel Leoneta; +599 796 9133

Djaluna pa djabièrnè

8or di mainta pa 6or di atardi

  • Instagram
  • YouTube
  • Facebook

Danki pa komunuika ku nos!

Nos Klientenan Felis

"Add a testimonial that a happy customer or client has said about working with you."

Amanda Johns, COO, HORIZON

Diamonds Music Logo.jpg
mcb.png
Untitled_edited.jpg
Logo - My Eye Optical.jpg
Bashi.png
bottom of page