Ku un evento di ‘Meet & Greet’ SKAL ta duna oportunidat na organisashonnan ku ta aktivo den sektor di kultura pa topa ku sekretario di estado Günay Usla di Kultura i Medionan di Komunikashon riba djabièrnè 13 di yanüari 2023 pa 18:30or. Durante programa di e evento, banda di e enkuentro ku e sekretario di estado, lo tin tambe un rekorido den museo di SKAL, un presentashon di baile ku músika kultural di kaha di òrgel i un presentashon ‘live’ di Grupo Palu Grandi. 19:30or ta klousurá e programa.
Ta fasilitá e evento di ‘Meet & Greet’ akí pa organisashonnan lokal ku ta aktivo den sektor kultural. Meta di e evento ta pa laga e organisashonnan lokal hasi trabou di ret direktamente ku e sekretario di estado i e delegashon ku ta bishitá nos isla. Di e manera akí por duna un impreshon di kiko ta biba riba tereno di kultura na Boneiru, e organisashonnan por duna ‘input’ i nan por interkambiá di idea ku e sekretario di estado.
===========================================
BròKèS 93.5 ………… Skuch’é!
https://www.radio935bonaire.com
http://radio.garden/listen/bro-ke-s-93-5-fm-boneiru/a1YG6S77
https://www.basilachill.com/#!radio/radiobrokes
http://brokes935fm.radiostream123.com
https://liveonlineradio.net/radio-brokes-935-Radio
.png)
