top of page
ggzsjjg.png

Enkuentro Fondo Hulandes pa Literatura na Biblioteka Públiko Tokante Supsidio Pa Obra Literario

Fondo Hulandes pa Literatura ta organisá 13 di aprel binidero, 10or pa 12or di mainta

un enkuentro na Biblioteka Públiko Boneiru tokante un areglo di supsidio nobo pa obra literario na islanan den Karibe.



Ku e supsidio ta duna atenshon spesial na oumento di e oferta di obra na papiamentu.

E enkuentro ta spesialmente pa eskritor, intérprete, traduktor i organisashonnan ku proyekto literario. Personanan interesá por registrá na t.walta@letterenfonds.nl


Den kurso di e aña akí ta bini fondo disponibel pa supsidiá trabou di eskritornan,

traduktornan, intérpretenan, òf proyektonan literario riba nos islanan.

Pa e fondo ta importante pa sa kon por sostené trabou di e grupo akí mas mihó posibel. P’esei Lucette Châtelain i Suzanne Meeuwissen di e fondo ta bishitá islanan BES i CAS di 7 te ku 14 di aprel 2024.


Ku e areglo di supsidio nobo, Fondo Hulandes di Literatura ta amplia su tereno di trabou.

Romkje de Bildt, direktor Fondo Hulandes di Literatura, ta splika importansia di e areglo di supsidio nobo. “Kisas esaki ta un di e partinan mas importante di e periodo nobo di maneho ku ta kuminsá na prinsipio di otro aña.

E maneho akí solamente por tin éksito si nos areglonan ta konektá ku nesesidatnan i deseonan di kreadónan i organisashonnan riba islanan den Karibe. P’esei ta spera tambe ku mas tantu hende posibel ke pensa ku nos.” Jennifer Pocornie, hefe di Biblioteka Públiko Boneiru ta kontentu ku e areglo nobo. “Ta un oportunidat úniko pa eskritornan lokal i otronan partisipá na kòmbersashonnan tokante kontenido di e areglo di supsidio. Na yanüari di e aña akí, a rekonosé papiamentu ofisialmente den Manifesto Europeo pa idiomanan regional i idiomanan di gruponan minoritario. Mi ta kontentu ku e areglo nobo lo por kontribuí na mas obra na papiamentu,” segun Pocornie.




BròKèS 93.5 ………… Skuch’é!

347 views

Comments


BROKES 93.5 - Mas i Mas ta skuch'e

Kontakto

Buskando mas informashon?
Tuma kontakto ku nos awe mes.

STUDIO; +599 701 0935

Djòni Leoneta; +599 786 9091

Ethel Leoneta; +599 796 9133

Djaluna pa djabièrnè

8or di mainta pa 6or di atardi

  • Instagram
  • YouTube
  • Facebook

Danki pa komunuika ku nos!

Nos Klientenan Felis

"Add a testimonial that a happy customer or client has said about working with you."

Amanda Johns, COO, HORIZON

Diamonds Music Logo.jpg
mcb.png
Untitled_edited.jpg
Logo - My Eye Optical.jpg
Bashi.png
bottom of page