top of page
ggzsjjg.png

EMPRESARIONAN BONERIANO HÓBEN PRESENTE NA WEGA DI FUTBÒL DI PSV


Na aña 2022 PSV i Entidat Públiko Boneiru a firma un akuerdo di kolaborashon stratégiko, di kua stimulashon di empresariado na Boneiru ta un parti importante. Ku e akuerdo di kolaborashon akí PSV ta bai kuminsá entre otro ku aktividatnan di ‘Soccer School’ (Skol di Futbòl) tambe i forma entrenadónan lokal. Banda di esaki PSV ta bai kompartí konosementu tokante aktividatnan di ‘start up’ i ‘scale up’ (inisio i ekspanshon). E kolaborashon entre PSV i Brainport i nan aspirashon kontinuo pa alkansá ‘The Next Level’ (e siguiente nivel) ta kuadra ku vishon di Entidat Públiko Boneiru i ta un paso konkreto den direkshon di un desaroyo ekonómiko duradero pa Boneiru.


Tres miembro di e plataforma empresarial hubenil ‘Youth Enterprise Platform’ (YEP) tabata wéspet na e wega di futbòl di PSV kontra FC Heerenveen, riba invitashon di Entidat Públiko Boneiru. Marjolein Oleana i Annette Emerenciana di Tourist Corporation Bonaire (TCB) a akompañá Paul David Romo, Brandon Fernando i Kharim Ohab di YEP. ‘Un tremendo eksperensia pa mira futbòl profeshonal asina djaserka i bibu. Un organisashon ku ta hunga asina bon i asina kordiná manera PSV i kombiná ku e kolaborashon ku Brainport, por trese, stimulá i fortifiká hopi konosementu i abilidat pa Boneiru’, segun Paul David Romo.


Na luna di febrüari último Entidat Públiko Boneiru, huntu ku WeConnect, a lansa YEP: un plataforma interaktivo ku tin komo meta pa stimulá hóbennan boneriano pa bini Boneiru bèk despues di nan estudio pa promové empresariado i pa yena e vakaturanan ku tin na Boneiru. ‘E proyekto ku e empresarionan hóben akí ta hinkando den otro pa Boneiru ta importante den e proseso pa kombatí ‘braindrain’ i trese ekspertisio lokal bèk na nos isla. E kolaborashon entre Entidat Públiko Boneiru, PSV i Brainport ta duna sosten den esaki i tabata algu bon pa trese nan huntu’, segun diputado Craane di desaroyo ekonómiko i turismo.


‘E motivashon i inspirashon mas grandi nan ta haña den un ambiente informal. E bishita akí na PSV ta un oportunidat fantástiko pa engrandesé ret di e empresarionan hóben akí, di manera ku nan por saka inspirashon for di esaki pa e enkuentronan di YEP ku ainda mester organisá pa studiantenan boneriano na Hulanda’, segun diputado Thielman, kende huntu ku diputado Kroon tabata e inisiadónan di e kolaborashon stratégiko akí.


For di 18 di yüni 2023 te ku 2 di yüli 2023 kuater entrenadó di PSV ta bin Boneiru pa hasi hóbennan futbolista boneriano entre 6 i 15 aña i nan coachnan parti di nan seshonnan di entrenamentu di tur dia.


BròKèS 93.5 ………… Skuch’é!

3 views

Comments


BROKES 93.5 - Mas i Mas ta skuch'e

Kontakto

Buskando mas informashon?
Tuma kontakto ku nos awe mes.

STUDIO; +599 701 0935

Djòni Leoneta; +599 786 9091

Ethel Leoneta; +599 796 9133

Djaluna pa djabièrnè

8or di mainta pa 6or di atardi

  • Instagram
  • YouTube
  • Facebook

Danki pa komunuika ku nos!

Nos Klientenan Felis

"Add a testimonial that a happy customer or client has said about working with you."

Amanda Johns, COO, HORIZON

Diamonds Music Logo.jpg
mcb.png
Untitled_edited.jpg
Logo - My Eye Optical.jpg
Bashi.png
bottom of page