Elekshon Parlamento Oropeo; Union Patriotiko Boneriano Ta Tur Tur Ku Kenville Kleinmoedig

Partido Union Patriotiko Boneriano (UPB) pa medio di su lider James Kroon ta

konsehá tur hende na Hulanda i riba nos islanan BES i CAS pa apoyá  Kenville Kleinmoedig kandidato nr 18 riba e lista kombina di Partij van de Arbeid/ Groenlinks ku nan voto di konfiansa.

UPB a skucha e metanan di Kleinmoedig i a tuma nota di su CV i e partido ta di opinion ku djaweps awor 6 di yüni 2024, Kenville Kleinmoedig kende ta e úniko kandidato ku ta representá nos islanan di BES i CAS, i p’esei tambe meresé nos sosten pa e elekshon di Parlamento Oropeo. 

Nos mester tin un hende na Oropa ku ta di nos p’asina nos bos por resoná den parlamento Oropeo.