Jan 12, 20232 min read

ELEKSHON DIREKTIVA AFBW 2022 – 2025

Dia 17 i 18 di yanüari 2023 lo tuma lugá elekshon pa direktiva di AFBW. Pa promé biaha esaki lo sosodé den un forma digital. E elekshon lo habri djamars dia 17 pa 8.or di mainta i lo sera djarason 18 di yanüari pa 12’or di anochi.

E aktual direktiva ku a sinta na 2019 tabatin e tarea pa reorganisá e sindikato, kual pa un gran parti a tuma lugá tambe. Aktualmente AFBW ta e sindikato mas grandi na Boneiru ku ochoshen miembro, repartí den 8 kompania, nan ta Cargill, BWM, Fundashon Cas Boneriano, Fundashon Mariadal, Bon Lab, Divi Flamingo, Kooyman i Selibon

E elekshon benidero ta ser supervisá pa un Komishon di Elekshon, konsistiendo di sr. Ewald Abdul komo presidente, sr. Norwin Willem komo sekretario i sr. Eric Vlijt komo miembro.

Prosedura di elekshon

Lo tin 7 kandidato pa direktiva general, di kual tres, esta Cherel Kwidama, Sharella Wanga- Frances i Miriam Wanga Markiet lo bai e elekshon den nan funshon komo respektivamente presidente, sekretaria i tesorera.

E otro 4 kandidatonan lo repartí e funshon nan di vise- presidente, 2do sekretario i 2do tesorero i 2 komisario. Djaweps dia 17 yanüari, mainta e Komishon di elekshon lo verifiká i anunsiá e resultado.

Komishon di elekshon kier hasi un yamada sinsero pa tur, pero tur miembro vota pa un direktiva nobo i asina duna e direktiva e forsa di tin sosten grandi di su miembronan. Esaki ta hasi e direktiva mas fuerte den negosashon. E prueba di esaki ta ku durante e último tres añanan, AFBW a negoshá i será kontratonan kolektivo (CAO) hopi benefisioso pa su miembronan. Den tur e CAO- nan miembronan a bai dilanti pa loke ta nan kondishonnan laboral.

Pues no tin ningun motibu pa abo komo miembro keda sin vota. E ta kostabo solamente 3 minüt pa bo vota digitalmente for di unda ku bo por ta. Sea bo ta na kas, na trabou, na un enkuentro sosial o kualkier sea na unda bota, bo por vota.

Komishon di Elekshon AFBW 2022 – 2025.