Dia 26 mart tin un otro oportunidat pa atmirá e eksposishon yamá “Hende den Naturalesa”/‘People in Nature’ den Parke Nashonal Washington Slagbaai. STINAPA Bonaire den un inisiativa di kolaborashon ku World Wide Fund a krea un eksposishon ku e meta di demostrá e diversidat grandi di konservashon di naturalesa i aktividat di maneho na Boneiru.
Boneiru ta konosí pa su bunita naturalesa. Sinembargo, tiki ta konosí di e grupo grandi di organisashonnan i personanan ku ta traha duru tras di kortina pa konservá i protehá nos naturalesa pa e generashonnan aktual i esun di futuro. Pa e motibu akí, STINAPA Bonaire i WWF-NL a krea e eksposishon di portrèt akí pa duna habitantenan i bishitantenan un bista tras di kortina. Nos ke eksponé e trabou ku hopi organisashon ta hasi, pa krea un mihó komprenshon di e trabou pa konservá e naturalesa di Boneiru. Ta algu tambe ku nos por ta hopi orguyoso di dje, mirando ku Boneiru ta un pionero den konservashon di naturalesa.
Banda di e eksposishon di portrèt, a traha tambe videonan kòrtiku ku ta duna splikashon mas ekstenso di e trabou i dikon e trabou ta asina importante pa Boneiru. Por mira e videonan akí online pa medio di un QR kódigo. Un emblema banda di e portrèt ta duna mas informashon tokante e organisashon en kuestion.
E evento lo 26 di mart di 9or pa 1or di atardi na Parke Nashonal Washington Slagbaai. Tambe lo tin un tur di museo 9:30 I 10:30 ku lo ser duna pa Chief Ranger GEorge Kultura.
===========================================
BròKèS 93.5 ………… Skuch’é!
.png)
Comments