Kambio di klima tin efekto rònt mundu, pero sigur na Hulanda Karibense e impakto di kambio di klima ta grandi i inmediatamente tangibel.
Na mes momento, e islanan ta ofresé tambe oportunidat grandi pa prueba kon nos por enfrentá kambio di klima.
Ku e ambishon aki ta establesé Mesa di Klima Boneiru (klimaattafel Bonaire).
A selekshoná señor drs. E.H.T.M. (Ed) Nijpels pa yuda establesé Mesa di Klima Boneiru, mirando su eksperensia amplio komo eks presidente di e Akuerdo di Energia i Konsulta di progreso Akuerdo di Energia.
Isla chikitu manera Boneiru hopi biaha ta esun ku komo promé ta nota e konsekuensianan di kambio di klima. Pa e motibu aki ta hopi importante pa e islanan dentro di Hulanda Karibense bira mas sostenibel i resistente kontra e klima ku ta kambia.
Ku esaki tin nesesidat pa un plataforma sentral ku ta trese tur konosementu i maneho relevante dirigí riba adaptashon i mitigashon huntu i for di kua ta prepará selekshon di maneho. E nesesidat aki a pone Kolegio Ehekutivo di Boneiru yega na e desishon pa inisiá un mesa di klima.
Gabinete a puntra señor Nijpels pa fasilitá establesimentu di e Mesa di Klima Boneiru. E lo wak kon i den kua forma por krea e mesa di klima Boneiru. E trabounan aki lo inisiá huntu ku un lider di proyekto lokal, ku sosten for di entre otro Gòbièrnu di Boneiru i Gobièrnu di Reino.
Ta e intenshon pa despues di seis luna tin un propuesta riba mesa pa un plan di organisashon i un agènda stratégiko.
E kwartiermaker tambe lo investigá e posibilidatnan pa un Mesa di Klima na Saba i Sint Eustatius.
Segun Minister Jetten; “Nos no por lubidá ku Hulanda Karibense ya ta pará den e promé liña di e kambio di klima.
Den bon kolaborashon ku señor Nijpels i Kolegio Ehekutivo di Boneiru mi ke sigurá ku awor si nos por pone paso pa hasi e islanan den parti Karibense di Reino mas sostenibel i resistente kontra e konsekuensianan di kambio di klima. Ku konosementu i eksperensia Hulandes nos por hasi Hulanda Karibense un ehèmpel pa islanan insular vulnerabel rònt mundu.”
I Segun Diputado James Kroon; Investigashon resien ta suprayá e vulnerabilidat di e islanan manera Boneiru un bes mas i e nesesidat i urgensia pa tuma medida awor. Nos ta kontentu ku e binida di Ed Nijpels pa yuda nos establesé e mesa di klima pa por logra un enfoke kordiná, asina Diputado James Kroon a trese dilanti.
===========================================
BròKèS 93.5 ………… Skuch’é!
https://www.radio935bonaire.com
http://radio.garden/listen/bro-ke-s-93-5-fm-boneiru/a1YG6S77
https://www.basilachill.com/#!radio/radiobrokes
.png)
