top of page
ggzsjjg.png

E tim spesialisá FINEC di KPCN ta atendé kriminalidat finansiero ekonómiko ku man duru


Kriminalidat finansiero ekonómiko ta un problema sosial serio. E ta daña konfiansa entre siudadano, empresa i gobièrnu. Na 2022 a lanta e tim di Kriminalidat Finansiero Ekonómiko (FINEC) den KPCN pa inisiá e bataya kontra e tipo di kriminalidat aki. Asina tin vários investigashon penal andando tokante entre otro labamentu di plaka, froude i malversashon. Banda di esaki FINEC ta duna sosten aktivo den kasonan di reshèrshi regular di e otro departamentunan di reshèrshi di KPCN.


Tambe FINEC ta desaroyá instrumento di reshèrshi pa análisis di informashon finansiero. Den kolaborashon ku Polis Hulandes FINEC a desaroyá un instrumento pa analisá transakshon di banko tambe. Den esaki tabatin kolaborashon estrecho ku MCB, RBC i Banco di Caribe. Aworakí ta posibel pa por buska entre un gran kantidat di transakshon bankario, esaki ta kontribuí na investigashon finansiero bon i sólido.


Kriminalidat finansiero mayoria biaha ta tuma lugá skondí. P’esei FINEC tin un punto di bista aktivo i ku enfoke eksterno pa asina yega na investigashonnan nobo. FINEC ta analisá un kantidat di señal sospechoso ku por ehèmpel banko, notario, konsehero i abogado a mèldu. Esaki ta kondusí na investigashonnan nobo i un komprenshon mas a fondo di e paisahe di kriminalidat finansiero den Hulanda Karibense.


Kriminalidat finansiero ta manifestá su mes den un kantidat di forma. Ehèmpel di esaki ta tur tipo di froude, pero tambe labamentu di plaka ku a gana di forma kriminal. Ora ta trata di froude ta daña e konfiansa entre e malechor i e víktima. Hopi biaha e kiebro di konfiansa ta sigui mas aleu i ta alkansá empresa òf institushonnan sosial ku tin komo meta protehá e siudadano.


Ora ta trata di labamentu di plaka un víktima ta ménos komun, pero e konsekuensianan sigur no ta ménos tangibel. Por ehèmpel un persona ta kumpra propiedat pa hür, ku sèn ku el a gana di forma kriminal. Esaki ta limitá e chèns di hende komun ku ta buska un kas pa biba. Meskos ta konta pa invershon di plaka kriminal den bar i hotèl. E ora ei empresario legítimo tin un desbentaha di konkurensia kompará ku e negoshi di kriminal ku ta laba plaka.


E tim di FINEC di KPCN formativamente ta konsistí di dos reshèrshi finansiero fultaim. E tres añanan benidero koleganan di FIOD (Fiscale Inlichtingen en Opsporingsdienst) i di Polis Nashonal di Hulanda Oropeo lo bin reforsá e tim aki tantu ku kapasidat di inteligensia komo kapasidat di trabou di reshèrshi. Ademas tin kolaborashon intensivo ta tumando lugá ku e ‘Financial Intelligence Unit’ (FIU) i e meta ta pa yega na un tim spesialisá, independiente i kompletu di FINEC den KPCN.


Si bo mes nota señal di kriminalidat finansiero ekonómiko, e ora ei por mèldu esaki, durante dia di trabou, via number di telefòn 715 8000 i puntra pa e departamento di FINEC. Tambe por mèldu via di nos liña di tep anónimo 9310 òf via meil na politie@politiecn.com. Asina huntu nos ta hasi Halando Karibense mas seif.

===========================================

BròKèS 93.5 ………… Skuch’é!

12 views

留言


BROKES 93.5 - Mas i Mas ta skuch'e

Kontakto

Buskando mas informashon?
Tuma kontakto ku nos awe mes.

STUDIO; +599 701 0935

Djòni Leoneta; +599 786 9091

Ethel Leoneta; +599 796 9133

Djaluna pa djabièrnè

8or di mainta pa 6or di atardi

  • Instagram
  • YouTube
  • Facebook

Danki pa komunuika ku nos!

Nos Klientenan Felis

"Add a testimonial that a happy customer or client has said about working with you."

Amanda Johns, COO, HORIZON

Diamonds Music Logo.jpg
mcb.png
Untitled_edited.jpg
Logo - My Eye Optical.jpg
Bashi.png
bottom of page