top of page
ggzsjjg.png

E programa di ‘Bonaire Friends’ ta honra personanan ku ta kontribuí na turismo na nos isla


Pa medio di e programa di Bonaire Friends, ku orguyo Tourism Corporation Bonaire ta kontinuá ku su tradishon di duna honor na personanan ku ta duna un aporte importante na Boneiru su sektor turístiko. E programa akí ta selebrá e dedikashon insesante i e kaluroso hospitalidat di hendenan ekselente ku ta mehorá eksperensia di nos bishitantenan.


Nos ta kontentu di por introdusí kuater persona na bo, ku nos a añadí na nos lista di Bonaire Friends:

George Kultura Thodé, chief ranger di Stinapa na Parke Washington: E dedikashon di George Kultura Thodé na protekshon di Boneiru su medio ambiente, edukashon di nos hóbennan i konservashon di bunitesa di nos isla, kada biaha di nobo ta bini dilanti atrobe durante enkuentronan ku ta tuma lugá pa kasualidat den nos parke nashonal i e ta un inspirashon pa tur hende ku topa kuné.


Claydrick Clarenda: Komo un kara hospitalario na Aeropuerto Flamingo di Boneiru, Claydrick su saludonan kaluroso i su konosemente profundo di kultura i historia di Boneiru ta laga un impreshon permanente atras serka masha hopi bishitante.

Nicole Pourier: Nicole su generosidat i su konosementu lokal ta toka kurason di nos bishitantenan, di manera ku nan eksperensia na Boneiru ta bira realmente inolvidabel. Su sinseridat i hospitalidat ta keda bria, no opstante e desafionan ku e ta enfrentá.



Rona Aguilar: Nos bishitantenan ta risibí un trato inolvidabel pa medio di Rona su servisio ekselente i e atenshon ku e tin pa kada detaye, loke ta resultá den hopi elogio pa Rona, pa motibu ku esaki ta garantisá un estadia na Boneiru ku nos bishitantenan no por lubidá.


E programa di Bonaire Friends ta sigui pone spòtlait riba personanan remarkabel ku ta kontribuí na hasi Boneiru eksepshonal. Pa medio di rekonosé e enkuentronan ekstraordinario akí, nos ke promové un laso outéntiko entre nos poblashon lokal i nos bishitantenan i krea rekuerdonan permanente.


Nos ta enkurashá nos bishitantenan pa kompartí nan eksperensianan eksepshonal ku nos komunidat lokal via e página spesial di Bonaire Friends riba https://bonaireisland.com/bonaire-friends/. Tourism Corporation Bonaire ta ekspresá su sinsero gratitut na tur nos habitantenan fantástiko pa nan kaluroso bon biní i nan dedikashon insesante na nos sektor turístiko. Nos ta invitá tur hende pa partisipá i selebrá e lasonan úniko i amistatnan duradero ku ta surgi na nos isla.

BròKèS 93.5 ………… Skuch’é!

9 views

Comments


BROKES 93.5 - Mas i Mas ta skuch'e

Kontakto

Buskando mas informashon?
Tuma kontakto ku nos awe mes.

STUDIO; +599 701 0935

Djòni Leoneta; +599 786 9091

Ethel Leoneta; +599 796 9133

Djaluna pa djabièrnè

8or di mainta pa 6or di atardi

  • Instagram
  • YouTube
  • Facebook

Danki pa komunuika ku nos!

Nos Klientenan Felis

"Add a testimonial that a happy customer or client has said about working with you."

Amanda Johns, COO, HORIZON

Diamonds Music Logo.jpg
mcb.png
Untitled_edited.jpg
Logo - My Eye Optical.jpg
Bashi.png
bottom of page