top of page
ggzsjjg.png

E PARTI MAS FÈRFELU DI HISTORIA TA PA KOMPRONDÉ KU PASADO I PRESENTE TA CHOKA KU OTRO


E parti mas fèrfelu di historia ta pa komprondé ku pasado i presente ta choka ku otro. Idea di un òf mas persona ta trese un rumbo ku ta desviá di e rumbo den kua nos ta kere. Impakto di e ideanan ta duna un dimenshon nobo na historia sosial. Si awe, despues di diestres aña, a logra un adelanto relashoná ku mínimo sosial por buska kon esaki a tuma lugá. Mi ta tuma e periodo di 1994, tempu di referèndem, te ku 2023, akuerdo di sosial mínimo komo periodo di estudio. Na 1994 e idea tabata mantené Antia di 5. E otro idea a bini di Ramoncito Booi pa bai un otro direkshon. A purba mantené i restrukturá Antia di 5 pero despues di 10 aña a frakasá. Ramoncito ta duna kontenido na e idea Un Bonaire Nobo den struktura ku Hulanda ku ta Laso Direkto. Jopi Abraham ta aseptá Laso direkto pero ku un kontenido pa mas outonomia. 2010 Laso direkto a bira realidat. Den e realidat aki Bijkerk a lansa e sublime idea ku ta estado federal kontra Entidat Públiko den su forma presentá. Den e rumbo di historia aki ta bini hóbennan manera Anthony Nicolaas, Clark Abraham i Elvis Tjin A Sjoe ku pensamentunan nobo pa krea un Bonaire pa futuro. Elvis ta krea un partido nobo basá riba partisipashon di personanan hóben ku guia di polítikonan eksperensiá. Sindikato, Usibo Unkubon i Nina ta pone e problemanan sosial den skochi di Hulanda ku ta esun ku mester karga responsabilidat. Oktober 2023 ta sera e periodo di 1994-2023, inisiá pa Ramoncito Booi, ku un resultado sumamente positivo sin kita mérito di tur ku a kontribuí. Awor mester bini un persona ku un idea nobo ku un núkleo di desaroyo i laga pasado pa pasado i imaginá di nobo un futuro.


Arthur Sealy

BròKèS 93.5 ………… Skuch’é!

5 views

Comentarios


BROKES 93.5 - Mas i Mas ta skuch'e

Kontakto

Buskando mas informashon?
Tuma kontakto ku nos awe mes.

STUDIO; +599 701 0935

Djòni Leoneta; +599 786 9091

Ethel Leoneta; +599 796 9133

Djaluna pa djabièrnè

8or di mainta pa 6or di atardi

  • Instagram
  • YouTube
  • Facebook

Danki pa komunuika ku nos!

Nos Klientenan Felis

"Add a testimonial that a happy customer or client has said about working with you."

Amanda Johns, COO, HORIZON

Diamonds Music Logo.jpg
mcb.png
Untitled_edited.jpg
Logo - My Eye Optical.jpg
Bashi.png
bottom of page