Durante Regata ta kontrolá si usuarionan ta tene nan mes na e reglanan di e pisina flotante. Spesialmente pa e evento akí INDEBON a pone un funshonario di siguridat na e pisina. Tarea di e funshonario di siguridat ta pa garantisá siguridat di tur usuario. Pa e motibu akí e funshonario di siguridat ta kontrolá si tur usuario di e pisina ta tene nan mes na regla.
INDEBON ta enfatisá ku e pisina flotante ta un pisina públiko pa grandi i chikí. P’esei no ta permití pa bebe alkohòl òf tene fiesta riba e waf flotante. Tambe ta prohibí pa mara boto na e pisina. Boto por okashoná daño na e pisina, pa motibu ku e no ta diseñá pa mara boto.
Espektativa ta ku durante e dianan liber di Regata, hopi mas tantu hende grandi i mucha ta hasi uso di e pisina. Tambe pasobra siman pasá e pisina temporalmente no tabata den uso relashoná ku mal tempu. For di djadumingu atardi último, landadónan por hasi uso atrobe di e pisina. Den temporada di orkan por sosodé mas biaha ku e pisina tin ku sera temporalmente pa evitá daño.
INDEBON ta konta ku komprenshon i koperashon di e usuarionan. Di e forma akí tur bishitante di Regata por disfrutá di e evento akí na un manera seif i plasentero.
BròKèS 93.5 ………… Skuch’é!
.png)
Comments