top of page
ggzsjjg.png

Duana Ku Presentashon Na Hóbennan


Duana/CN ta aktivo tambe ku dunamentu di informashon. Asina den e periodo tras di lomba duaneronan a duna dos grupo na Boneiru un presentashon.

Un grupo tabata konsistí di hóbennan di grupo 7 i 8 di skol básiko, ku durante di nan fakansi ta hasi aktividatnan na Jong Bonaire.



E otro grupo tabata konsistí di studiante mas grandi di FORMA, ku den e periodo tras di lomba a kaba finalisá lès di magazein i logístika. E dos gruponan a haña mesun presentashon básiko. Sinembargo serka e studiantenan di FORMA a bai mas a fondo den e materia mirando na meta di estudio. E presentashonnan tabata repartí den parti teoria i un parti práktika (kon duana ta kontrolá artíkulonan den práktika).


Temanan ku a trese dilanti durante e parti teorétiko tabata entre otro:

Kiko ta e tareanan prinsipal di duana;

Unda por topa ku duana;

Na unda e ofisinanan di duana ta situá den Hulanda Karibense;

Kon e proseso di importashon ta hinka den otro;

I kon bo ta rekonosé duana.

Banda di algun medio ku duana ta uza, e studiantenan a haña mira tambe kiko asina duana por topa kuné durante di kontrolnan.



Durante di e demostrashonnan di práktika ku a tuma lugá na e kantor di duana situá na haf, a splika i demonstrá e funshonalidat di e aparato“Handheld backscatter”.

Esaki ta un tipo di mashin pa skèn ku por uza na momento ku ta kontrolá artíkulonan (p.e. den un tayer di outo). Tambe nan a haña un duanero bisti den ful trahe di duana (ku vèst “bulletproof”, “koppel”, bui di man, “peperspray”, pistol, etc.) mira.


Por último nan por a mira un konduktor Ku su kachó den akshon kaminda a skonde un sierto holó di droga i e kachó mester a buska esaki.

Duana ta mira bek riba dianan di presentashon eksitoso durante kua e partisipantenan tambe a partisipá di forma aktivo.


5 views

Comments


BROKES 93.5 - Mas i Mas ta skuch'e

Kontakto

Buskando mas informashon?
Tuma kontakto ku nos awe mes.

STUDIO; +599 701 0935

Djòni Leoneta; +599 786 9091

Ethel Leoneta; +599 796 9133

Djaluna pa djabièrnè

8or di mainta pa 6or di atardi

  • Instagram
  • YouTube
  • Facebook

Danki pa komunuika ku nos!

Nos Klientenan Felis

"Add a testimonial that a happy customer or client has said about working with you."

Amanda Johns, COO, HORIZON

Diamonds Music Logo.jpg
mcb.png
Untitled_edited.jpg
Logo - My Eye Optical.jpg
Bashi.png
bottom of page