top of page
ggzsjjg.png

Douane Caribe Úlandes kampion den tiru


Djasabra 17 di desèmber 2022 Tirabon a bolbe organisá un éksitoso kompetensia di deporte tiru manera ta kustumber, e famoso “Christmas turkey tournament”. Wer tabata parsialmente nublá. Bientu tabata generalmente for di direkshon ost i moderá te basta fuerte; forsa 4 te 5 (20 te 39 km/ora).


E Parkour ku a skohe pa e kompetensia tabata “practical shooting” riba 5, 10, 15 i 25 meter di distansia uzando un kombinashon di pistol, kaliber 9mm i .22 largu. Sekretario, i alabes komandante di kancha, Jadyr da Silva Piloto a habri e kancha pa 13:30 or.

Premionan tabata pa terser lugá, un kupòn na balor di 50 dòler pa uza na The Challenge gym, segundo lugá, un kupòn na balor di 150 dòler pa uza na The Challenge gym, un kupòn na balor di 150 dòler pa uza na supermarket i un ham di Pasku henter. Pa e ganador apsoluto, un kalakuna henter i un kupòn na balor di 250 dòler pa uza na The Challenge gym, mas tambe un kupòn na balor di 400 dòler opsekio di Coral Casino. Na di terser lugá tabata tin un empate entre e tiradónan deportista di Tirabon Peter Silberie i tambe Thuersten Winklaar. Stephen Salas, ku tambe a representá klup di tiru Tirabon, a bai ku e di dos premio. E ganadó apsoluto tabata e tiradó deportista Victor Caldera representando kuerpo di douane Caribe Úlandes, ku a sa di bari su kompetidónan ku un skor di 1.24 “hit factor”, esaki uzando e método di konteo “Comstock” kaminda ta dividí e kantidat di punto dor di e lapso di tempu ku e deportista tiradó ta dura pa e tira.

Partisipantenan tabata Lesley Winklaar i tambe Victor Caldera representado kuerpo di douane Caribe Úlandes. Ditmar de Palm, Edsel Mercera, Rendy Polonio, Salitha Derksen representando JICN. Danik Thielman, Ferris Juan Pedro, Peter Silberie, Stephen Salas, Jadyr da Silva Piloto, Eric Soleana, Sebastian Cicilia, Ying Wu, Svenski Santaris, Gilroy Rynschot, Kevin Mens, Thuersten Winklaar, representando Tirabon.


Señor Eric Soleana, tesorero, i na nòmber di presidente Gandy Mauricio a hiba palabra felisitando Victor i gradisiendo tur partisipante pa nan partisipashon. Tambe señor Soleana a gradisi gerensia di JICN pa e konfiansa, i muy espesialmente señor Ditmar de Palm ku a soru pa partisipashon di koleganan. Espesialmente tambe, gradisimentu ta bai na gerensia di douane i tambe na señor Elton Rasiman, dosente instruktor sertifiká di IBT (Integrale Beroepsvaardigheidstrainingen), ku a sa di duna guía i soru pa e parti di seguridat na kancha keda riba nivel. Semper Tirabon tabata i tin un bon relashon ku kuerponan uniformá, i den pasado a organisá diferente kompetensia invitando e disiplinanan aki, i pa e motibu aki Tirabon ta sigui konta ku nan partisipashonan pa futuro.

Finalisando, señor Soleana a manda palabra di apresio i gradisimentu na nos sponsornan ku a sa di kere den Tirabon i asina hasi e kompetensia posibel; Best brands Bonaire, Voz di Bonaire, Eugene Makaai, Jaryd da Silva Piloto, Kevin Mens, Sebastian Cicilia, The Challenge gym, Di CHIRI services, Coral Casino, tambe na Eddy Thielman, Rosandy Soliano-Ortega, Terresa i Remsley Anthony ku a soru pa e parti di kuminda.

Tin rumor sirkulando kaba ku sierto partisipantenan a kuminsá praktiká mashá pisá mes despues ku Victor a bari nan, pa asina nan ta bon prepará pa e siguiente kompetensia.

Manera ta kustumber, despues di e torneo, a sigui pa e parti, kaminda ku presentenan a sosialisá un ku otro. Tabata un momentu tremendo kaminda ku deportistanan tiradó a pasa un ratu ameno ku otro.



===========================================

BròKèS 93.5 ………… Skuch’é!


16 views

Comments


BROKES 93.5 - Mas i Mas ta skuch'e

Kontakto

Buskando mas informashon?
Tuma kontakto ku nos awe mes.

STUDIO; +599 701 0935

Djòni Leoneta; +599 786 9091

Ethel Leoneta; +599 796 9133

Djaluna pa djabièrnè

8or di mainta pa 6or di atardi

  • Instagram
  • YouTube
  • Facebook

Danki pa komunuika ku nos!

Nos Klientenan Felis

"Add a testimonial that a happy customer or client has said about working with you."

Amanda Johns, COO, HORIZON

Diamonds Music Logo.jpg
mcb.png
Untitled_edited.jpg
Logo - My Eye Optical.jpg
Bashi.png
bottom of page