Djasabra awor 16 di sèptèmber ta selebrá “World Clean Up Day” 2023. Esaki ta un dia kaminda rònt mundu ta dediká atenshon na limpiesa di nos planeta. Durante e wikènt di 15 di sèptèmber pa 18 di sèptèmber, Selibon N.V. den kolaborashon ku Fundashon Boneiru Limpi i Bunita i Entidat Públiko Boneiru lo bai organisá diferente aktividatnan pa ku limpiesa di Boneiru.
E promé aktividat lo ta: Baki di shushi grandi den bario.
For di djabierne 15 di sèptember te ku djaluna 18 di sèpèmber 2023 lo bai tin algun baki di shushi grandi den bario pa asina habitantenan por depositá nan shushi aden. E bakinan lo ta situá na:
Bario Sitio Nòmber di kaya :
1. Playa Den banda di Kadushi Apartments Kaya Italia
Dilanti e loods na Kaya Neerlandia Kaya Neerlandia - Kaya America
2. Tera Kora Sentro di bario - Tera Kora Kaya Monseigneur Nieuwindt
3. Nikiboko Na Sentro di bario - Nikiboko Kaya Avelino J. Cecilia 56
4. Antriol Plenchi dilanti skol Papa Cornes bieu Kaya Korona 5. Lagun Banda di e glasbak na Lagun Kaminda Lagun 6. Republiek Kaya Piedra Presioso Kaya Piedra Presioso 7. Nort Salinja Sentro di bario - Nort Salinja Kaya Cacique 8. Hato Kaya Diamanta Kaya Diamanta 9. Rincon Ser’i Suit Ser’i Suit
E tipo di shushi aki ta ser aseptá den e bakinan: • Shushi gròf (manera stul òf mesa bieu, kashi, kama i kolchon). • Shushi di kurá (manera foyo, rama i palu).
E segundo aktividat lo ta:
Akshon di limpiesa na diferente area na Boneiru Riba djasabra 16 di sèptember 2023 lo bai tin un akshon di limpiesa den e siguiente areanan:
Kaya Calixta (Antriol)
Kaya Uranus (Belnem)
Kaminda pa Washikemba (Lagun)
Lac Cai (Lac)
E akshon di limpiesa lo kuminsá for di 8:00 di mainta i lo hasi limpiesa den tur e areanan menshoná simultaneamente. Pa tur esnan ku ke partisipá, por join nos na Kaya Calixta – 8:00 di mainta.
Di antemano nos ke gradisí tur otro organisashonnan ku durante e wikent aki i henter aña ta pone atenshon na limpiesa tantu riba tera komo bou di awa.
BròKèS 93.5 ………… Skuch’é!
.png)
Comments