Riba djasabra 12 di novèmber e barku krusero Disney Magic a bishitá nos isla pa promé biaha. Kapitan Zvonimir Vidak i su tripulashon a risibí un kordial bon biní di parti di un delegashon di Entidat Públiko Boneiru i TCB. Durante e seremonia di bon biní tabatin interkambio di regalo. Den un diskurso kòrtiku Vidak a bisa ku Boneiru a impreshon’é hopi, spesialmente e ‘bèrdè bunita’. Riba djasabra e barku tabatin 1863 wéspet na bordo, di kua kasi 800 a partisipá na e tournan i aktividatnan na nos isla pa kua nan a hasi reservashon adelantá. Disney Magic ta un di e kuater barkunan di tamaño mediano di Disney Cruise Line i su diseño ta pa famianan di tur edat i komposishon i e tin un kapasidat máksimo di mas òf ménos 2700 wéspet.
===========================================
BròKèS 93.5 ………… Skuch’é!
https://www.radio935bonaire.com
http://radio.garden/listen/bro-ke-s-93-5-fm-boneiru/a1YG6S77
https://www.basilachill.com/#!radio/radiobrokes
.png)
