top of page
ggzsjjg.png

DISKURSO DI HERBERT DOMACASSE NA OKASHON DI TRES ANIVERSRIO BRÒKÈS 93.5. (1e Parti)



Resientemente na okashon di e evento yamá ‘Sa Mas di Nos Radio’ den kuadro di tres aniversario di emisora BròKès 93.5 FM, Herbert Domacasse tabata oradó invitá i a elaborá riba e tema ‘Konfiansa i Sosten’.

Herbert i su esposa Maria Elena tambe ta forma parti di e programashon di BròKès 93.5, presentando tur djaluna mainta 8or e programa Matrimonio Na Kandela.


Diskurso di Herbert Domacasse, titulá ‘Konfiansa i Sosten’.

Ethel i Djòni pabien, tambe na boso famia i henter e sintonia di BròKès 93.5 fm;

Ku dios sigui proveé i duna boso forsa i sabiduria pa keda duna e servisio importante aki;

Na okashon di selebrashon aki, mi lo kier komparti algun palabra ariba e tema ‘Konfiansa i Sosten’.


Éksito di un persona den un sosiedat, pa gran parti ta dependé di su komportashon, espesial e konfiansa i kurashi i determinashon ku e ta desplegá; Mayoria bes esaki por ser realisà o kalkulá dor di e reakshon i sosten risibí i tambe un gran parti di e klientela, esta e benefisiado.


Esaki por ser realisâ dor di e esfuerso ku bo ta ehersé, den e trabou, bo sakrifisio, bo pasenshi, spesialmente tambe konsiderando temporada difisil ku bo por topa na kaminda, den e kaso aki por ehèmpel di un pandemia ku siendo un empresá resien lantá BròKès 93.5 mester a enfrentá. Esaki sigur ta e determinashon ku nos por mira den nos amigu Djòni, un persona ku kurashi pa a inisiá un proyekto na benefisio di nos komunidat; Sigur pa sirbi e kliente, e skuchadó, ku mester ta krítiko den e desaroyo aki.

Personalmente mi tin un poko ekperensia ku e famia Leoneta, den e kaso aki en partikular den añanan 70 ku Djòni su tata. Ami tabata su bankero na ABN, Ruman Leoneta un persona sin muchu palabra i muchu ménos buya, pero determiná pa buska éksito den tur lokual ku el a hasi espesial tambe pa a kria su famia.

I awe su yu Djòni ta atendé ku e mesun reto i ta respondé manera su Papa lo a hasi esaki.

Djòni bo mag ta orguyoso di bo Papa i sigur e mag ta un inspirashon ekselente p’abo awe.


Tin algun ingrediente interesante i importante ku nos por a konstatá den nos amigu Djòni i su esposa Ethel ku ta yuda krea mas konfiansa i e sosten nesesario, den kualkier proyekto;

Nan ta sòru pa ofrese e mehor servisio, identifika balornan importante di bida, repasá kosnan adekuadamente i duna testimonio konstruktivo, semper honesto i transparente, konstantemente traha duru pa konstrui i mantené konfiansa serka e kliente, nan mishon personal semper ta klarito.


NOTA; (ta sigui despues e di 2do parti)


===========================================

BròKèS 93.5 ………… Skuch’é!


0 views

Comments


BROKES 93.5 - Mas i Mas ta skuch'e

Kontakto

Buskando mas informashon?
Tuma kontakto ku nos awe mes.

STUDIO; +599 701 0935

Djòni Leoneta; +599 786 9091

Ethel Leoneta; +599 796 9133

Djaluna pa djabièrnè

8or di mainta pa 6or di atardi

  • Instagram
  • YouTube
  • Facebook

Danki pa komunuika ku nos!

Nos Klientenan Felis

"Add a testimonial that a happy customer or client has said about working with you."

Amanda Johns, COO, HORIZON

Diamonds Music Logo.jpg
mcb.png
Untitled_edited.jpg
Logo - My Eye Optical.jpg
Bashi.png
bottom of page