Direktiva nobo na SGB

Nos ta kontentu pa informá ku fo’i prome di ougùstùs último señor Rico van der Schee a ser nombrá komo vise presidente di direktiva di SGB.

A base di su formashon, trasfondo i eksperensha gerenshal señor Van der Schee a ser proponé pa e komishon di solisitut komo e mihó kandidato p’e funshon aki i Hunta di Supervishon a nombré manera proponé. Hunta di Supervishon tin tur konfiansa ku señor Van der Schee lo bai duna un kontribushon positivo na e kalidat operashonal di skol i ta deseá e hopi éksito i plaser ku e reto nobo aki.

Hunta di Supervishon a disidí pa pidi sr. Frans van Efferink komo direktor temporal i presidente di direktiva pa e luna nan binidero, pa asina e aña eskolar nobo aki señora Barbara Sol i señor Francis Pieter por asumí nan enkargo respektívamente komo direktor di unidat na Liseo Boneriano i VMBO/Vakcollege. Konseho di Supervishon e ora ei por kontinuá den tur trankilidat pa buska un kandidato adekuá pa e funshon di presidente di direktiva. Hunta di Supervishon ta agradesidu ku señor Van Efferink a aseptá e reto aki.

Ademas nos ta partisipá ku señora Liset Wolff, konforme e konseho di e komishon di solisitut, a ser nombrá komo direktor di unidat na MBO fo’i ougùstùs 2023, i ku asina e trankilidat a bolbe bèk na MBO. E tim di maneho ta kompleto atrobe i ademas ta ser formá dor di e direktor nan di unidat: na SLP señor Eric Bouwman, na VMBO señor Francis Pieter, na Liseo Boneriano señora Barbara Sol.

BròKèS 93.5 ………… Skuch’é!