Diputado Hennyson Thielman a sera un akuerdo entre e 6 islanan ruman (Aruba, Kòrsou, Boneiru, Sint Marten, Sint Eustatius i Saba) di intenshon pa stimulá agrikultura i hib'é na un nivel mas haltu. Intenshon di e akuerdo ta pa koperá ku organisashonnan di agrikultura i pa bai traha huntu den kompartimentu di informashon ku otro.
‘Nos tin ku sòru pa mas produkshon di nos propio kuminda riba nos islanan’, asina diputado Thielman a bisa den su diskurso durante su bishita na Aruba den kuadro di e konferensia di agrikultura Dutch Caribbean Agriculture Visioning Process Conference. ‘Esaki lo no bini di su mes. Paisnan ku a desaroyá riba e tereno di agrikultura den último añanan ta pasó e gobièrnu a invertí hopi fondo pa stimulá e sektor aki. Nos departamentonan di agrikultura mester ta e sentronan di konosementu pa duna sosten na tur kunukero. Nos mester fasilitá e kunukero pa e bira bon den su área i sosten’é den esaki’.
Kontinuando diputado Thielman a agregá: ‘Nos vishon ta pa garantisá kalidat di e kuminda ku nos ta produsí i tambe desaroyá un sektor di agrikultura kaminda nos no ta hasi esaki komo hòbi mas, pero ku nos lo bai hasié na un manera profeshonal i organisá, pa asina e kunukero tin un entrada fiho i duradero. Tambe ta importante pa nos por proveé produkto na un mihó preis riba merkado’.
BròKèS 93.5 ………… Skuch’é!
.png)
Comments