Segun Din Domacassé; Ora nos traha positivo huntu nos ta logra!
Apertura di e pista di drift tabata bunita i bon bishitá tantu pa nos hendenan di Boneiru pero tambe tabata tin hopi bishitante di nos islanan ruman i te hasta turista di otro pais tabata presente. Tabata bunita pa mira kon e gremio ku ta praktiká i bishitá e deporte di drift akí tabata gosando un bol. Pabien Boneiru. Un bes mas nos a demostrá ku ora nos traha huntu nos ta logra!
Pa añanan kaba tur partido polítiko a usa e tema di un pista di drift i drag pa kore kampaña kuné. Na 2015 MPB tambe a primintí ku lo bini ku un pista di drag. Porfin e promé fase a bira realidat kaminda nos tin awor un pista di drift. E di 2 fase lo ta un pista di drag pa kua ya kaba a hasi desvelo di un bòrchi pa esaki.
Pa añanan diferente persona a pusha e proyekto akí. Mi tambe a wordu aserká pa yuda pusha e proyekto di drift i drag aki. Na 2021 na momento ku mi a drenta Konseho Insular e kos a kue spit.
Tin persona fuera di a bati na diferente porta te hasta a bai papia te den Konseho Insular pa e pista di drift i drag por bini pa kaba. Nos a tuma e proyekto akí na serio i huntu ku Gerald Silberie ku tambe tabata miembro di Konseho Insular e tempu ei, a tene diferente reunion i a palabrá ku diputado di finansa di e tempu ei, sr Hennyson Thielman, pa pone fondo disponibel pa e pista di drift i drag. E fondo akí a haña aprobashon den Konseho Insular pa e partidonan UPB i MPB. Partidonan den oposishon a vota kontra i te ku awe nan ta kontra e proyekto di drift i drag akí!
Una bes ku e sen tabata riba mesa Diputado Kroon, Indebon i diferente otro persona i instansia ku semper a karga ku e deporte aki a pone ku awe Boneiru tin su pista di drift i dentro di poko su pista di drag. Mi ta kontentu ku e deportistanan di drift i drag awor tin nan propio pista pa praktiká nan deporte i no mester di bai kore riba kaminda di Sorobon ku tur e konsekuensianan di siguridat i ku polis ta na kareda nan tras. Mi ta kontentu tambe pa e públiko ku ta gusta wak e deporte akí. Awor ta importante pa nos tur kuida e pista di drift akí. Gobièrnu na su turno mester pone un bon plan di mantenshon pa garantisá ku e pista por keda usá dia den dia afó.
Un bes mas pabien na tur ku a yuda pusha e proyekto aki i pabien tambe na tur ku ta praktiká e deporte di drift i drag. Laga nos huntu sigui sostené e deporte aki.Nos a demostrá ku ora nos traha huntu positivo nos ta logra!
Din Domacasse, miembro di Partido MPB
BròKèS 93.5 ………… Skuch’é!
.png)
Comments