Djaweps 4 di aprel e diesinku aspirantenan di Koninklijke Marechaussee a
finalisá e promé fase di nan estudio, kual ta un bivak.
E bivak a ranka sali riba djamars 2 di aprel, primeramente ku un tarea klasikal, despues di kua nan a risibí material nesesario pa por pasa e bivak. Despues di esaki nan a sali rumbo pa e sitio di bivak kaminda nan a prepará kampamentu, a kushiná huntu i anochi a sera konosí ku otro i maneho di Koninklijke Marechaussee na Boneiru.
Djárason 3 di aprel nan a hasi un tarea enfoká riba traha huntu na Sorobon, kaminda a traha dos grupo pa nan traha un vlòt ku kua nan mester a subi laman.
Nan sera e anochi riba Seru Largu ku un ‘exercitie training’ i un ‘speedmars’.
Riba e último dia, djaweps 4 di aprel, nan a hasi trabou boluntario na Fundashon pa
Kuido di Personanan Desabilitá (FKPD).
Den oranan lat di atardi nan a marcha for di direkshon sùit rumbo pa warda di polis, kaminda Koninklijke Marechaussee, kaminda famianan a risibí nan kalurosamente.
Aki un seremonia a tuma lugá durante kua e coachnan di e organisashon Velitt, ku a guiá e bivak, a entrega e aspirantenan bèk na maneho Koninklijke Marechaussee. Despues den un ambiente ameno tur presente por a kombersá tokante e eksperensianan spesial.
Djabièrnè 5 di aprel e aspirantenan ta sali pa Hulanda pa tres luna pa sigui siguiente parti di e estudio na Kazerna Koning Willem III na Apeldoorn.
Di e aspirante, tres ta prosedente di Sint Eustatius, un di Saba i diesun di Boneiru.
BròKèS 93.5 ………… Skuch’é!
.png)
Comments