Pa aña 2050 ta pronostiká ku 1200 persona ta bibando ku demensia aki na Bonaire, Karibe Hulandes. Fundashon Alzheimer Bonaire huntu ku Alzheimer Disease International (ADI) ta bisa ku mundialmente serka 55 miyón hendenan ku simptomanan di demensia e proseso por keda retarda i potensialmente hasta evitá dor di simplemente tene bon kuenta ku 12 faktor di riesgo. 55 mion ta igual na 40 porshento dje kasonan proyektá pa demensia.
Fundashon Alzheimer Bonaire, e asosashon nashonal di Alzheimer aki na Bonaire, Karibe Hulandes, i alabes miembro di ADI, e federashon di Alzheimer nashonal i asosashonnan di demensia, ta hasiendo un fuerte yamada riba gobièrnunan rònt mundu pa ku urgensia nan hinka mas fondo den research pa redusí e riesgo, i tambe pa invertí den servisionan di edukashon i sosten. Tambe ta rekomendabel pa gobièrnunan hasi redukshon dje riesgo pa demensia un elemento sentral den nan Plannan Nashonal kontra Demensia.
Segun Fundashon Alzheimer Bonaire si tantu promé komo despues ku un persona haña e diagnósis di demensia bo tèkel e faktornan di riesgo, esaki por redusí òf te hasta slow down e 1200 kasonan di demensia proyektá pa 2050 na un manera ku ta aksesibel i pagabel pa hendenan rònt mundu.
Ta eksistí bastante faktor di riesgo pa demensia riba kual nos por tin sierto grado di kòntròl personal. Esakinan ta inkluí e.o. humamentu, uzo eksesivo di alkohòl, inaktividat físiko, falta di frekuensia den kontaktonan sosial, sla na kabes, kondishonnan di diabétis, pèrdida di oído, depreshon, obésitas i preshon haltu.
Otro faktornan di riesgo ta inkluí polushon den aire i restrikshon den akseso na edukashon tempran; esakinan gobièrnunan di kada país ta responsabel pa atendé ku nan.
Tambe gobièrnunan ta responsabel pa proveé otro servisionan ku por yuda mehorá kalidat di bida di esnan ku ta biba ku demensia pa nan por tin akseso pagabel pa salú i kuido a largo plaso, i tambe akseso na servisionan pa salú mental.
”Nos ta hasiendo un apelashon di urgensia riba gobièrnunan rònt mundu pa invertí tantu den research komo den servisionan di sosten. Esaki ta pa redusí e riesgo pa nan habitantenan haña demensia, i tambe pa invertí den kampañanan pa konsientisá komunidat riba e nesesidat pa redusí e riesgo akí. Nos ke focus riba kampañanan ku argumentonan konvensedor ku ta kòrta e konfushon ku hopi mensahe saliendo dje huki di salubridat ta krea”. Esaki ta palabranan di Barbarino, CEO di Alzheimer’s Disease International.
Barbarino ta bisa tambe lo siguiente: ”Ku regularidat personanan diagnostiká ku demensia ta bisa nos ku nan no tabata na altura ku ta eksistí faktornan di riesgo pa demensia ku hende mes por tin kòntròl riba nan; mare ku mas tempran den bida nan tabata sa kon pa redusí e riesgo. Vários bes ta despues dje diagnósis ku nan ta realisá kon prevenshon di demensia por yuda pa prevení òf pa alargá e momentu ku e kuminsá, komo tambe pa slow e progreso dje kondishon”. ”
Avansenan pa yega na remedi kontra demensia- E motivo ku nos no por warda.
E aña aki den algun pais a hasi progreso den sierto remedi ku por ta un terapia kontra demensia; esaki a trese speransa serka hopi persona ku ta biba ku demensia i tambe serka nan kuidadónan. E tratamentunan akí sinembargo no ta yuda pa tur kaso, i tampoko aksesibel ainda pa tur persona ku ta biba ku demensia.
Te ku awóraki solamente 40 gobièrnu rònt mundu a formulá nan plan nashonal kontra demensia, di kual no tur ta inkluí strategianan pa redusí e riesgo kontra demensia. Esaki tin komo resultado ku gobernantenan ta pèrdè un tremendo oportunidat pa bin ku un hèrmènt vital pa retrasá (pospone) òf prevení kasonan pa demensia den futuro.
Fondonan ku gobièrnunan ta hinka den inisiativanan asina por krusa, topa otro metanan ku nan ta formulá pa e.o. redusí humamentu i kasonan di obésitas, tambe metanan pa atendé ku asuntunan di salú mental manera depreshon, òf mehorashon di akseso pa aparatonan pa yuda e oído; uzo djesakinan a proba ku nan por slow down deterioro kognitivo serka ku perdida di oido.
Nunca ta muchu trempan ni muchu lat pa baha e riesgo di haña demensia.
BròKèS 93.5 ………… Skuch’é!
.png)
Comments