top of page
ggzsjjg.png

DIA 2 DI MART GOBIÈRNU DI BONEIRU I ZVK TA TENE UN SIMPOSIO TOKANTE KONSTRUÍ DEN UN FORMA PAGABEL


Dia 2 di mart tin un simposio tokante ‘konstruí den un forma pagabel’ na Boneiru. Gobièrnu di Boneiru huntu ku ministerio di Asuntunan Interno i Relashonnan den Reino (BZK) ta organisá e enkuentro akí. Na e simposio akí ta bai papia tokante e posibilidatnan konkreto pa konstrukshon di kas den un forma mas rápido. Ta papia tokante esaki ku partnernan manera Fundashon Cas Boneriano (FCB), desaroyadónan i konstruktornan.


Boneiru a krese rápidamente durante e último 10 añanan. Konstrukshon di kas den sektor sosial i den e segmento abou-mediano a keda fuertemente atras kompará ku kresementu di poblashon. Ku esaki nos ta referí na kas di hür i kas pa bende ku no ta muchu karu. Pa e motibu akí Gobièrnu di Boneiru i ministerio di Asuntunan Interno i Relashonnan den Reino a disidí pa traha mas kas pa hende ku tin un relashon ekonómiko òf sosial ku nos isla.

Pa e kasnan nobo ku nan ta bai traha tin diferente eksigensia na vigor, manera eksigensia riba tereno di sostenibilidat. Na Boneiru a indiká sinku área pa e tipo di konstrukshon di kas akí. E áreanan akí lo haña e fasilidatnan nesesario. Importante ta ku en prinsipio lo trata di desaroyo di área i no nesesariamente di konstrukshon di kas individual riba parsela individual. Esaki ta nifiká ku ta desaroyá e área di tal manera ku no ta bini solamente kas nobo, pero ku ta wak otro funshonnan tambe, manera fasilidatnan públiko, empresanan, vegetashon, rekreashon i kaminda. E ta bai bira un meskla di diferente tipo di kas pa diferente grupo di enfoke. Ta bai konstruí apartamento tambe.


Lo atendé na un manera kuidadoso i transparente ku henter e proseso di ‘Konstruí i Biba den un forma Pagabel’, i e simposio ta e promé paso den e proseso akí. Espektativa ta ku e simposio lo produsí e informashonnan nesesario pa riba término bai over na destaho públiko. Esaki ta enserá ku ta duna tur partido riba merkado oportunidat pa entregá oferta.


Gobièrnu di Boneiru lo sigui informá komunidat boneriano tokante progreso di e proseso akí.

===========================================

BròKèS 93.5 ………… Skuch’é!

5 views

Commentaires


BROKES 93.5 - Mas i Mas ta skuch'e

Kontakto

Buskando mas informashon?
Tuma kontakto ku nos awe mes.

STUDIO; +599 701 0935

Djòni Leoneta; +599 786 9091

Ethel Leoneta; +599 796 9133

Djaluna pa djabièrnè

8or di mainta pa 6or di atardi

  • Instagram
  • YouTube
  • Facebook

Danki pa komunuika ku nos!

Nos Klientenan Felis

"Add a testimonial that a happy customer or client has said about working with you."

Amanda Johns, COO, HORIZON

Diamonds Music Logo.jpg
mcb.png
Untitled_edited.jpg
Logo - My Eye Optical.jpg
Bashi.png
bottom of page