Argentina 1 – Arabia Saudita 2
Arabia Saudita a vense Argentina. Arabia Saudita awe djamars 22 di Novèmber 2022 a gana su prome partido den Mundial di Qatar 2022 na momentu ku e la derota Argentina 2 pa 1 na komienso di grupo C.
Loke tabata parse un wega trankil pa e Team Argentino lidera pa Lionel Messi a termina ku un gòlpi duru, ku ta yena nan di insertidumbre i ta kambia e panorama den Grupo C kaminda Mexico i Polonia tambe ta integra.
Argentina tabata gana 1 – 0 danki na e gol hinka via penalti na minüt 8, Messi tabata e persona ku a hinka esaki. Durante henter prome tempu, Argentina tabata domina e partido. Sin embargo niun hende no por a imagina loke lo a pasa na komienso di e di dos tempu na minüt 8, Arabia Saudita a boltu wega. E prome 3 minütnan Saleh Al-Shehri pone empate ku un tiru krusa. I 5 minüt despues Salem Al-Dawsari a anota un golaso ariba di e portero Martínez, ku a mishi ku e bala pero e no por a desvie.
Despues di ei Argentina a purba pero sin idea, ku un Messi paga i sin rebeldia. Apesar ku e ta tin algun oportinidat, e no por a kambia e historia. Asina Arabia Saudita a bai ku e triunfo tan inespera komo historiko, mientras ku Argentina a pèrdè despues di 36 enkuentro sin derota. Klaro, den e pio momentu.
===========================================
BròKèS 93.5 ………… Skuch’é!
.png)
Comments