top of page
ggzsjjg.png

Delegashon di Piskabon Di Bishita Na Saba


Un delegashon di Koperativa Piskabon ta di bishita na Saba entre 30 di novèmber pa 5 di desèmber. Sentral durante e bishita aki ta interkambio di konosementu, fortifiká koperashon i hermandat entre e komunidatnan di peska di Karibe Hulandes. Representante di Wereld Natuur Fonds, Stacey Mac Donald, tambe ta forma parti di e delegashon.


Durante e bishita aki Piskabon ta sera konosí ku direktiva di Saba Fisherman Association. Intenshon di e interkambio ta pa kompartí konosementu i eksperensia ku otro, i alabes fortifiká posishon di e organisashonnan den respektivo komunidat.


Piskabon lo sera konosí tambe ku Saba Conservation Foundation i e unidat di Saba Bank Management pa sa mas tokante involvimentu di e fundashon den e sektor di peska na Saba i tambe studia e posiblidat pa traha huntu pa fortifiká i konservá e sektor di peska di Boneiru na bienestar di piskadónan boneriano.


E bishita ta tuma lugá hustamente den e siman aki di Saba Day, na momentu ku e tan konosí torneo ‘Saba Day Wahoo Tournement’ ta ta tumando lugá. Piskabon a forma un grupo di piskadó boneriano di diferente generashon pa partisipá na e torneo aki. E partisipashon di Piskabon na e torneo tambe ta pa fortifiká hermandat i e relashon entre piskadónan i e komunidat di peska en general entre Boneiru i Saba.


2 views

Comments


BROKES 93.5 - Mas i Mas ta skuch'e

Kontakto

Buskando mas informashon?
Tuma kontakto ku nos awe mes.

STUDIO; +599 701 0935

Djòni Leoneta; +599 786 9091

Ethel Leoneta; +599 796 9133

Djaluna pa djabièrnè

8or di mainta pa 6or di atardi

  • Instagram
  • YouTube
  • Facebook

Danki pa komunuika ku nos!

Nos Klientenan Felis

"Add a testimonial that a happy customer or client has said about working with you."

Amanda Johns, COO, HORIZON

Diamonds Music Logo.jpg
mcb.png
Untitled_edited.jpg
Logo - My Eye Optical.jpg
Bashi.png
bottom of page