top of page
ggzsjjg.png

Daisy Coffie i Partido M21 Ta Preokupá Pa Uso di Alkohòl Den Tráfiko


Frakshon di M21 ta hopi preokupá ku uso eksesivo di alkohòl akí na Boneiru i prinsipalmente den tráfiko. Segun lider di e partido Daisy Coffie: ‘Nos por dedusí esaki for di entre otro e kantidat di aksidente den tráfiko ku ta regularmente nos kuerpo polisial ta registrá, pero tambe mester tene kuenta ku aksidentenan no-registrá.



Banda di e peliger ku uso eksesivo di alkohòl ta trese kuné den tráfiko, tantu pa e persona enbolbí mes komo pa otronan ku ta hasi uso di nos kareteranan, por konstatá ku mal uso di alkohòl ta tambe un di e kousanan di violensia doméstiko na nos isla.


Ademas mal uso di alkohòl ta okashoná tambe hopi violensia tantu verbal komo físiko entre siudadanonan ku pa motibu di alkohòl no por kontrolá nan emoshonnan.

Últimamente Frakshon di M21 por a konstatá tambe ku un gran parti di sushi ku nos konosé komo “zwerfvuil” i ku ta bentá tur kaminda kantu di nos kareteranan, ta konsistí di bòter di bibida alkohóliko. I pa tur honestidat mester trese dilanti ku no ta solamente nos hendenan lokal ta hasi nan mes kulpabel di mal uso di alkohòl, pero nos bishitantenan tambe.’


M21 no ta konstatá so ku tin un problema, pero ke presentá tambe un solushon.

Konsehal Coffie ta splika: E promé solushon i esun di mas importante ta nos propio komportashon. Ki sentido tin si nos konosé tur regla di tráfiko for di kabes, konosé relashon entre hende, pero na momento di konsumí alkohòl nos no sa di dominá nos mes pa evitá ku e konsumo di alkohòl ta bira di tal grado ku nos ta pèrdè tur dominio riba nos mes i hasta nos ta bira un fuente prinsipal di peliger pa nos mes i pa konsiudadanonan.


Nos no ta realisá kuantu daño nos ta kousa tantu físikamente, esta na material, komo emoshonalmente i síkikamente. Nos ta bira sosialmente disfunshonal na kas i riba kaya. Nos ta hasi daño emoshonal na nos pareha, na nos yunan i na henter nos famia.


Den kuadro di kambio di komportashon, M21 ta proponé pa gobièrnu atraves di direktorado di Komunidat i Kuido tuma inisiativa pa un kampaña agresivo pa hasi nos komunidat, spesialmente adulto, konsiente di e peligernan di uso eksesivo di alkohòl.

Na mes momento mester dediká atenshon dirigí riba e fenómeno aki den nos enseñansa.


Departamento di Salubridat Públiko tambe tin un ròl pa mustra riba e konsekuensianan dañino di mal uso di alkohòl riba nos salú físiko, pero tambe nos salú mental.’


BròKèS 93.5 ………… Skuch’é!


3 views

Comments


BROKES 93.5 - Mas i Mas ta skuch'e

Kontakto

Buskando mas informashon?
Tuma kontakto ku nos awe mes.

STUDIO; +599 701 0935

Djòni Leoneta; +599 786 9091

Ethel Leoneta; +599 796 9133

Djaluna pa djabièrnè

8or di mainta pa 6or di atardi

  • Instagram
  • YouTube
  • Facebook

Danki pa komunuika ku nos!

Nos Klientenan Felis

"Add a testimonial that a happy customer or client has said about working with you."

Amanda Johns, COO, HORIZON

Diamonds Music Logo.jpg
mcb.png
Untitled_edited.jpg
Logo - My Eye Optical.jpg
Bashi.png
bottom of page