A konstatá daño na e superfisie di Kaya Aruaco. Ounke e entregá ofisial di e proyekto aki no a tuma lugá ainda, a informá e outoridatnan kompetente inmediatamente tokante di e insidente aki.
Direktorado di Planifikashon i Desaroyo den kolaborashon ku e kontratista en kuestion ta bai ehekutá un investigashon pa determiná e kousa di e insidente aki. Konsekuentemente ta bai tuma medidanan nesesario pa asina restourá e daño i lo komuniká tokante di esaki debidamente.
Na mes momentu ta hasi un apelashon na tur outomobilista i peatonnan den bisindario pa tene kuenta i respetá e barikadanan i bòrchinan di indikashon. Ta deskonsehá pa drenta i/òf hasi uso di e tereno aki te na momentu ku e proyekto ser entregá ofisial i ta na disposishon pa públiko. E medidanan aki ta esensial pa prevení mas insidente i alabes garantisá siguridat di tur hende.
BròKèS 93.5 ………… Skuch’é!
.png)
