Dia 8 di November 2023 JCI YUB ku sumo plaser a organisá su último reunion general pa 2023. Aki Serginho Finies elegí komo presidente di JCI YUB a instalá algun hóben komo miembro di JCI YUB.
Banda di esaki Serginho Finies a instalá e direktiva pa 2024, esaki lo trata di Serginho Finies komo presidente, Marie-Lousie Alvarado komo vise presidente, Jeny Molina komo tesorero, Engéla Emerenciana komo sekretaria, Sherman Blanken komo presidente saliente. Esaki ta e direktiva ku huntu ku demas miembro nan, lo bai traha riba kresementu di e organisashon pero tambe riba desaroyo di kada miembro, dunando aporte na desaroyo i bienestar di nos isla Boneiru.
Di e forma aki tambe, JCI YUB ta hasi un yamada na tur hoben ku ta biba aki na Boneiru i tin e edat di 18 pa 40 aña pa join JCI YUB pa asina bo por disfrutá di tur e benefisionan ekselente ku JCI ta duna na kada un miembro. JCI YUB ta hasi un yamada na tur persona ku ta desea pa join e organisashon pa hinka den boso agenda e siguiente reunion general ku lo tuma lugá 10 di yanüari 2024 i bo por tuma kontakto ku nos organisashon por medio di nos páginanan sosial ku ta JCI YUB pero tambe por manda un mail na jci.yub@gmail.com. Huntu nos ta hiba Boneiru na e ekselensia ku nos ke mira Boneiru na dje.
BròKèS 93.5 ………… Skuch’é!
.png)
Comments