Den e wikènt ku a pasa a biaha pa Kòrsou Christiaan Smeets i Serapio Pop pa partisipá den un torneo di Curaçao Chess Players Foundation. Christiaan ku un rating di 1861 a partisipá den dos torneo, habri i hubenil. Pop tin rating di 1744.
Djabièrne anochi a start ku e Torneo Habri i Christiaan ta gana su wega di Riangelo Da Silva Goes, mientras Pop ta pèrdè kontra e damita Dianthely Pourier di Kòrsou.
Djasabra Christiaan ta gana tur su sinku weganan de hubenil i bira kampeon hubenil.
Djasabra atardi Christiaan a gana di Lesley Cielo mientras Pop ta gana di Riangelo.
Parti anochi Christiaan a pèrdè ku Ursus van Bemmelen kende aña pasá a ser sorpresá pa Christiaan i Pop a gana Lee Ashton kende a sali number dos den e torneo hubenil.
Djadomingu Christiaan a gana di Bedi Vaibhav kende tabata number tres den e torneo hubenil i Pop ta gana di Silvy Cabral di Aruba.
Tur dos a drenta e di sinku buelta ku tres punto for di kuater wega. Den di sinku i ultimo buelta Christiaan ta gana di Jose Pesqueira i ta sali supkampeon den e torneo habri.
Pop a pèrdè di Johan van Delden i ta kai te na di 12 lugá.
Den e torneo tabatin 20 hungadó ku rating i un bon delegashon di Aruba.
Pues Christiaan Smeets a sali kampeon den kategoria hubenil i sup kampeon den e
Torneo Habri.
Por e resultadonan riba Chess-Results.com
Ta spera ku poder di Dios otro aña Boneiru por partisipá ku un delegashon manera tabata e kaso den pasado.
Kualkier persona ku kier midi forsa den ahedres ku miembronan di BJSC por yama Serapio Pop na 796 9660.
.png)
コメント