Carlos Pourier ta trahando pa 20 aña kaba pa Boneiru. Promé pa e anterior teritorio insular Boneiru, ku for di luna di òktober 2010 ta konosí komo Entidat Públiko Boneiru.
Carlos a traha den vários funshon na diferente departamento di Direktorado di Planifikashon i Desaroyo. Carlos ta konsehero di e komishon di naturalesa i maneho, komishon di nòmber di kaya, komishon di konstrukshon, alohamentu sentral di Entidat Públiko Boneiru i di e grupo di proyekto pa proyektonan grandi. For di luna di mei 2016 te luna di yüli 2017 Carlos tabata konsehero di portafolio tambe di diputado di Planifikashon i Desaroyo, e tempu ei sra Rolanda Helburg-Makaai.
Proyektonan grandi ku Carlos a traha riba dje ta entre otro Plan di Desaroyo Teritorial Boneiru, realisashon i renobashon di Skol Amplio Papa Cornes, diferente hotèl i Contour Global Solar Park.
Carlos ta un kolega sumamente apresiá. Direktorado di Planifikashon i Desaroyo ta deseá Carlos un bunita hubileo i hopi aña mas na Entidat Públiko Boneiru.
===========================================
BròKèS 93.5 ………… Skuch’é!
.png)
