Sensei Peter Silberie a bai buska un kantidat grandi di material di arte marsial ku nan a haña di regalo di e famia Engelhardt/Abraham di e Dojo ‘’Yokoso” na Hulanda.
Algun tempu pasá Sensei Silberie a risibi un yamada, di señora Lexi Engelhardt-Abraham ku a informé ku nan tin un kandidat di material di arte marsial ku nan no ta usa mas I ku si Bon Karate ta interesá. Mesora a bai di akuerdo I a bai buska manera pa trese esaki nan Boneiru. Ku ayudo di e kompania Silfam di Gerald Silberie esaki a bin kristalisá mesora, I ku a bai buska e material nan serka famia Engelhardt-Abraham. I hinka den konteiner pa Boneiru.
Di parti di Bon Karate nan ta masha kontentu ku e material nan, pasobra semper nan a I ta buska manera di yuda e muchanan ku material. Komo ku tin otro instansia fuera di karate, pronto lo bai otorgá e otro material na e organisashon nan ku mester.
BonKarate kier a gradisi famia Engelhardt-Abraham pa e gesto bunita aki I alabes tambe gradisi e kompania SILFAM pa nan aporte grandi pa e material nan por yega Boneiru. Aki por mira ku Boneriano den eksterior I ruman nan den arte marsial ta yuda otro di forma hopi bunita.
BròKèS 93.5 ………… Skuch’é!
.png)
Comments