top of page
ggzsjjg.png

Boneiru ta Okupá un Lugá Sentral Den 24Kitchen Inisiando 13 di Yüli

Ku orguyo Tourism Corporation Bonaire (TCB) ta anunsiá ku dia 22 di yüni e programa nobo di kushinamentu i biahe Shirma’s Caribbean Flavors ta estrená riba e kanal digital di kushinamentu di Disney: 24Kitchen. E eksperensianan kulinario di Boneiru ta para sentral den tres episodio di kada un 22 minüt, ku nan ta transmití for di 13 di yüli.


Den e promé tres episodionan e enfoke ta riba Kòrsou.

Kuminsando 22 di yüni nan ta transmití e seri ku ta konsistí di seis parti riba tur djasabra pa 20.30 or ora hulandes i 14.30 or na Boneiru.


Presentadó di e seri ta Shirma Rouse, un kantante i personalidat di televishon ku ta orguyoso di su raisnan antiano. Pa 24Kitchen el a presentá anteriormente un programa kulinario grabá den studio tokante e kushina karibense, Shirma’s Soul Food. Un diferensia grandi ku e programa kompletamente nobo Shirma’s Caribbean Flavours, ta e echo ku Shirma ta bandoná studio i ta bai di biahe. E ta bishitá e islanan Boneiru i Kòrsou. E no ta kushiná solamente ku kòkinan lokal, pero Shirma ta bishitá tambe numeroso establesimentu gastronómiko i e ta deskubrí kon bida ta riba un isla.


E tres episodionan kaminda Boneiru su kushina lokal ta para sentral, ta enserá bishita na John's Ice Cream na Rincon, Maiky Snack, Nature Cooking School, Bon Tera, Brass Boer, Cactus Blue, Cadushy Distillery, Blue Lagun Cafe i Sweety Bakery Bonaire.

Tin atenshon tambe pa e bunitesa úniko di naturalesa di nos isla, manera e saliñanan di salu i vários playa. Grabashon pa e seri a tuma lugá na fin di luna di febrüari na Boneiru.


Banda di e tres episodionan di e seri kulinario, Boneiru ta haña atenshon tambe den e boletin notisiero di 24Kitchen i riba esaki su medionan sosial, entre otro Instagram, Facebook i Pinterest. Finalmente por lesa e resetanan for di e episodionan riba 24Kitchen.nl i e wèpsait akí lo dediká un artíkulo editorial na Boneiru i su oferta kulinario. Mas lat e aña akí nan ta ripití henter e seri riba e kanal 24Kitchen di Disney. Aproksimadamente 3,4 mion hende ta wak e kanal di televishon akí.

1 view

Kommentit


BROKES 93.5 - Mas i Mas ta skuch'e

Kontakto

Buskando mas informashon?
Tuma kontakto ku nos awe mes.

STUDIO; +599 701 0935

Djòni Leoneta; +599 786 9091

Ethel Leoneta; +599 796 9133

Djaluna pa djabièrnè

8or di mainta pa 6or di atardi

  • Instagram
  • YouTube
  • Facebook

Danki pa komunuika ku nos!

Nos Klientenan Felis

"Add a testimonial that a happy customer or client has said about working with you."

Amanda Johns, COO, HORIZON

Diamonds Music Logo.jpg
mcb.png
Untitled_edited.jpg
Logo - My Eye Optical.jpg
Bashi.png
bottom of page