En total 15 partner lo forma parti di e Pavilion Boneiru
Tourism Corporation Bonaire (TCB) ta anunsiá ku Boneiru lo ta presente na e DEMA Show na New Orleans, Louisiana. E aña akí e DEMA Show ta tuma lugá for di 14 te ku 17 di novèmber 2023 den Ernest N. Morial Convention Center. Ta e promé biaha ku ta tene e DEMA Show na New Orleans.
TCB a prepará su mes huntu ku partnernan na nos isla pa e show di e aña akí. E Pavilion Boneiru ta konsistí di en total 15 partner. E siguiente partnernan lo ta presente na e show e aña akí: Belnem House Bonaire, Bonaire East Coast Diving, Buddy Dive Resort, Captain Don's Habitat, Chogogo Beach & Dive Resort, Courtyard by Marriott, Delfins Beach Resort, Dive Friends Bonaire, Divi Flamingo Beach Resort, Grand Windsock Bonaire, Plaza Beach & Dive Resort, Resort Bonaire, STINAPA, Tourism Corporation Bonaire i VIP Diving.
Un biaha mas e Pavilion Boneiru lo ta pegá ku e entrada prinsipal di e sala di bolsa, di manera ku ta imposibel pa e bishitantenan, bendedónan i partnernan komersial ku ta bishitá e bolsa keda sin mir’é. Banda di esaki e Pavilion Boneiru e aña akí lo ta mas uniforme ku nunka den e ‘branding’ di Boneiru. E flamingonan di Bonaire Flamboyance tambe lo ta presente den e Pavilion Boneiru pa fortifiká e kaluroso bon biní.
E Pavilion Boneiru ta ofresé konsumidónan e posibilidat pa topa ku partnernan for di nos isla i deskubrí e sitionan bírgen di buseo na Boneiru, e isla ku por konsiderá komo un di e último sitionan realmente bírgen.
Banda di esaki Boneiru ta traha un biaha mas huntu ku ScubaRadio pa brinda bishitantenan di e DEMA Show un oportunidat pa gana premionan fabuloso di e partnernan partisipante di nos isla, ku ta varia di eksperensia di buseo te estadia di un siman.
E siman akí TCB ta manda un invitashon tambe pa e partnernan pa partisipá na e DEMA Show 2024, ku ta bai tuma lugá na Las Vegas, Nevada.
BròKèS 93.5 ………… Skuch’é!
.png)
Comentários