Boneiru A Skohe pa Invertí den Kolaborashon ku Saba i Sint Eustatius

Resientemente, bishitá nan di trabou di Konseho Insular pafó di Boneiru ta punto di diskushon. Netamente pa esei i pa sea transparente ta bon pa duna klaridat riba esakinan. Kolaborá ku Saba i Sint Eustatius, i lanta huntu pa bo derechonan komo tres isla relativamente chikitu i tambe buska un mihó futuro, ta kosta plaka i ta rekerí un invershon kuantioso na tur nivel, no solamente den dollar. Den e promé mitar di 2024 tabata tin vários biahe i hopi reunion ku Saba, Sint Eustatius i ku Hulanda.

E revishon di lei di Entidat públiko di Boneiru, St. Eustatius i Saba (WOLBES) i lei di finansa di Entidat públiko BES (FINBES) no ta eksigí solamente ku e tres islanan mester sinta huntu pa tur hende deliberá, sino tambe pa nan formulá un punto di bista konhunto kon nan ta mira futuro di Boneiru, Saba i Sint Eustatius i kon nan por resolvé e desafionan ku tin awor. Realisá un punto di bista konhunto, yega na akuerdo i formulá un strategia ta logra solamente si bo topa físikamente i negosha na mesa ku otro.

Kon moderno, salanan di reunion digital, whatsapp i telefòn ta nan tin nan limitashonnan.

Ademas, ta un echo ku si bo mester trata kambionan di lei i regulashon, bo mester mehorá i reforsá relashon i kolaborashon ku Hulanda i ku e dos otro islanan, pues mester konosé otro bon.

E revishon di WOLBES i FINBES inisiá pa Ministerio di Asuntunan Interno i Relashonnan di Reino (BZK) tabata i ta hopi importante pa futuro di e tres islanan. Komo e isla mas grandi, Boneiru a tuma ku inisiativa propio gran parti di e gastunan di e kolaborashon aki. Konseho Insular i kolegio ehekutivo aktual a mirá i ta mira e kolaborashon komo prioridat, entre otro pa e man fuerte ku bo por pone huntu.

Spesialmente ora ta trata di kambionan importante di leinan ku ta konta pa tur tres isla.

Konseho insular ta para pa un struktura di gobièrnu pa futuro unda e laso direkto, e konekshon direkto ku Hulanda lo nifiká ku Boneiru mes tin responsabilidat pa tur asuntunan interno i un nivel di provishon similar na Hulanda Europeo ku un nivel di kosto di bida adekuá. Aunke nos ta den un estado demokrátiko legal mester realisá, pa bo bos yega i ku di bèrdat ta skuchabo, mester move. Lo tin hopi biahe mas, kontakto personal i interakshonnan , esaki no ta sosode di un dia pa otro.