top of page
ggzsjjg.png

Boneiru Preparando Pa Selebrá Dia Internashonal di Yoga

Tourism Corporation Bonaire (TCB) ta anunsiá ku e partnernan di e sektor a pone man huntu pa ofresé nos poblashon lokal i bishitantenan di nos isla un programa amplio durante e siman di Bonaire Yoga & Wellness Week 2024.

E inisiativa aki ta abase di e inspirashon di Bonaire Yoga & Wellness Festival ku TCB den kolaborashon ku partnernan di e sektor a organisá na 2023.

 


Dia 21 di yüni ta Dia Internashonal di Yoga! E tema pa e aña akí ta: ‘Humanidat”, kaminda ta enfoká riba e diferente aspektonan di e karakter holístiko di yoga i ta enkurashá hendenan pa laga yoga bira parti di nan bida diario pa un mihó bienestar.


Djabièrnè, dia 21 di yüni, e evento anual grátis di bienestar komunitario yamá ‘Summer Solstice Celebration’ tambe tuma lugá, i e ta kuminsá pa 17:30 or riba Seru Largu. E ‘Summer Solstice Celebration’ ta un evento ku diferente dosente di yoga i presentadó di wellness ta organisá na nos isla. E evento di wellness ta kuminsá ku un kaminata sereno atraves di e rutanan enkantador di Seru Largu, siguí pa un yoga  riba tòp di e seru na momentu ku solo ta bahando. Registrashon ta un eksigensia.

 

E programa durante e otro dianan di siman ta inkluí diferente eksperensia di yoga i wellness, for di práktikanan diario di yoga pa outodeskubrimentu, paseonan úniko riba boto di bela ku elementonan di yoga i sonidonan kurativo, te ku rebaho atraktivo riba bo reservashon di hotèl i outo di hür den luna di yüni.

 

TCB ta entusiasmá pa kontinuá ku desaroyo di vários ‘partnership’ ku dosentenan lokal profeshonal di yoga i presentadónan di wellness lokal, pa laga nos poblashon lokal i nos bishitantenan sera konosí ku e mihó eksperensianan di wellness i pa pone Boneiru riba mapa komo destinashon di wellness. E eventonan di Yoga i Wellness na Boneiru tin komo meta pa aksentuá e bunitesa bírgen di nos isla i pa promové biahenan sostenibel ku ta konektá hende di nobo ku Mama Naturalesa. E eksperensianan di wellness ta aspirá tambe pa trese dosentenan di yoga i presentadónan di wellness den kontakto ku hendenan ku ke mehorá nan bienestar físiko i spiritual.

0 views

Коментарі


BROKES 93.5 - Mas i Mas ta skuch'e

Kontakto

Buskando mas informashon?
Tuma kontakto ku nos awe mes.

STUDIO; +599 701 0935

Djòni Leoneta; +599 786 9091

Ethel Leoneta; +599 796 9133

Djaluna pa djabièrnè

8or di mainta pa 6or di atardi

  • Instagram
  • YouTube
  • Facebook

Danki pa komunuika ku nos!

Nos Klientenan Felis

"Add a testimonial that a happy customer or client has said about working with you."

Amanda Johns, COO, HORIZON

Diamonds Music Logo.jpg
mcb.png
Untitled_edited.jpg
Logo - My Eye Optical.jpg
Bashi.png
bottom of page