Despues di 25 aña Boneiru ta riba e tarima internashonal di Miss Universe atrobe, loke ta un logro importante pa nos isla. Ku orguyo Tourism Corporation Bonaire (TCB) ta anunsiá ku nan a optené e lisensia pa Boneiru su partisipashon na e sertámen di Miss Universe.
Komo e doño ofisial di ‘franchise’, Tourism Corporation Bonaire
durante e último dos aña a negoshá tokante Boneiru su partisipashon.
Komo munisipio spesial di Hulanda, nan no tabata rekonosé Boneiru
komo paispa partisipá na e sertámen di Miss Universe.
Pero entrante aña 2024 ta rekonosé Boneiru atrobe
i nos isla ta bini na remarke pa partisipashon.
Miss Universe, un sertámen anual di beyesa, ta mundialmente konosí,
i banda di Miss World, Miss International i Miss Earth
ta konsiderá Miss Universe komo e sertámen mas grandi di beyesa.
For di aña 1956 Miss Universe ta un plataforma pa empoderamentu di hende muhé, interkambio kultural i selebrashon di diversidat.
“Komo direktor di Tourism Corporation Bonaire mi ta kontentu
di por anunsiá nos regreso despues di 26 aña riba tarima di Miss Universe.
E oportunidat akí lo mustra Boneiru su kultura i naturalesa úniko na un públiko mundial, fortifiká nos presensia internashonal
i promové nos dedikashon na diversidat i sostenibilidat.
TCB lo traha huntu ku partner i stakeholdernan anterior
pa sigurá e mihó representashon di nos isla,” segun Miles Mercera.
TCB ta rekonosé importansia di Boneiru su partisipashon na Miss Universe
komo medio pa ‘nation building’, empoderamentu di hende muhé
i promové rikesa kultural ku nos isla ta para p’e.
Pa medio di e plataforma akí Boneiru ke kompartí su tradishonnan úniko,
paisahenan impreshonante i e kalor di su habitantenan ku un públiko internashonal, reafirmando su lugá riba esenario mundial.
E preparashonnan ya kaba ta den ‘full swing’ i TCB ta trahando duru
pa sòru ku Boneiru su presensia na Miss Universe 2024 lo surpasa tur ekspektativa.
Keda pendiente pa mas anunsio.
.png)
Comments