top of page
ggzsjjg.png

Bondigro Ta Primintí Atenshon pa Produkto Pagabel For di Makutu Básiko

Segun Union Konsumidó Boneiru (UNKOBON) i Fundashon Tienda Pa Konsumidó Boneriano (FTPKB), e supermerkado Bondigro ta primintí atenshon pa produktonan pagabel for di makutu básiko i kolaborashon pa hasi komparashon di preis.



Ora un konsumidó no ta satisfecho ku un produkto òf servisio ofresé pa un empresa, komo empresario por skohe pa ignorá ku e konsekuensia ku ta pèrdè e kliente, òf pa reakshoná rápido i bon riba e keho.

Si e hasi esaki bon, e lo rekuperá konfiansa i asta por fortalesé relashon ku e kliente.

Bondigro a demostrá di tin bon komprondementu di e situashon ariba menshoná.


Promé ku UNKOBON i FTPKB a tuma kontakto ku e doño nobo pa diskutí kehonan tokante e kompania, e direktiva nobo mes a tuma kontakto ku e dos organisashonan. Tabata tin un enkuentro pa trata algun algun punto.


Reklamonan for di momentu ku Bonaire Discount Grocery a tuma over;

Riba ret di media sosial entre otro riaba e página di Facebook di e “Meldpuntprijzenverhogingen” ' di FTPKB i UNKOBON, vários kliente a ekspresá disgustu ku e oumento di preis na Bondigro.

Ademas, desde mart aña pasá, Fundashon Tienda pa Konsumido Boneriano a informá,

pa medio di publikashon di komparashon di preis, ku e empresa no tabata dunando koperashon pa hasi un komparashon di preis na e supermerkado en kuestion.


Kehonan; FTPKB i UNKOBON a informá e kompania ku mayoria keho tokante e oumento di preisnan apsurdo tabata relashoná ku Bondigro.

Entre otro riba e preisnan di yoghurt griego i tera pa planta mata, ku a subi hopi.

E empresario a splika ku bou di e eksplotashon di e propietario anterior tambe tabatin un kantidat di produkto bendé na preisnan inferior di e preisnan aktual.


Despues di a tuma e empresa over, tabatin algun reto ku nan mester a surpasá pa mantené un empresa ku ta funshoná saludabel. Nan ta buskando un balansa awor pa organisá asuntunan, esaki naturalmente ta tuma su tempu.

E direktiva tin intenshon pa Bondrigo keda e supermerkado di mas rasonabel den preis.

Esaki tambe a keda enfatisá den e mishon i vishon di e kompania. Nan lo tene kuenta ku e kehonan i ta buska oportunidat pa sigui ofresé preisnan atraktivo na nan klientenan.


Gastunan di importashon i tambe e gastunan di personal a oumentá konsiderablemente, i tur esaki ta kombiná ku un situashon ku nan ta trahando tambe riba un reorganisashon di e supermerkado bou di e maneho nobo.


Direktiva di Bondrigo ta konsiente ku e konsumidó ta enfoká prinsipalmente riba preisnan ku ta oumentá, pero mester tene kuenta ku despues ku nan a kumpra e empresa tambe a hasi diferente redukshon di preis riba mas ku mil produkto.


Representantenan di e empresa a indiká ku sigur nan meta ta pa keda brinda preisnan rasonabel pa e poblashon, esta dirigí prinsipalmente riba ofresé e produktonan mas barata relashoná ku e makutu básiko.

No solamente nan kier ofresé e produkto mas barata, sino tambe ke bai enfoká mas riba produktonan mas kumprá bou di poblashon lokal, manera hariña di funchi.

Direktiva di Bondrigo ta ansioso pa sigui kumpli ku e karakter sosial ku Bondigro a kumpli for di prinsipio den komunidat, pa Boneiru i su habitantenan.

104 views

Bình luận


BROKES 93.5 - Mas i Mas ta skuch'e

Kontakto

Buskando mas informashon?
Tuma kontakto ku nos awe mes.

STUDIO; +599 701 0935

Djòni Leoneta; +599 786 9091

Ethel Leoneta; +599 796 9133

Djaluna pa djabièrnè

8or di mainta pa 6or di atardi

  • Instagram
  • YouTube
  • Facebook

Danki pa komunuika ku nos!

Nos Klientenan Felis

"Add a testimonial that a happy customer or client has said about working with you."

Amanda Johns, COO, HORIZON

Diamonds Music Logo.jpg
mcb.png
Untitled_edited.jpg
Logo - My Eye Optical.jpg
Bashi.png
bottom of page