Direktiva di Fundashon Alzheimer Bonaire huntu ku DEDICATED-ABC Team ta wak bѐk ku satisfakshon riba un entrenamentu di dos dia masha eksitoso pa entrenadónan di DEDICATED Embahador. A prepará 3 entrenadó i 15 Dedicated Embahador ku sosten físiko di e DEDICATED Team for di Universidat Maastricht. Esaki a tuma lugá djamars i djaweps pasá na FM Academy. Na final a otorgá un sertifikado na e 15 partisipantenan ku e tarea pa sigui kompartí e konsepto na Bonaire. DEDICATED TEAM a implementá e konsepto akí na Aruba i Curacao tambe.
E inisiativa akí ta sali for di un kolaborashon ku FAB a sera ku Maastricht University “Academisch Werkplaats Ouderenzorg” Limburg anteriormente e aña akí.
Bonaire ta disponé awor di tres Embahador/Entrenadó i diessinku DEDICATED Embahador ku ta masha pashoná pa implementá e DEDICATED manera di traha akí. Den kua mehorashon di kalidat di kuido pa personanan ku demensia ta sentral.
DEDICATED Team ta konsistí di Dr. Judith Meijers, Drs. Jesper Biesmans, Sra. Thea Offermans i Sra. Sabine Pieters ku tambe ta mira bѐk riba un mishon eksitoso riba e tres islanan ku awor por yama islanan DEDICATED.
E diessinku partisipantenan ta representá Fundashon Mariadal/ Kas di Kuido, Gezondheidscentrum Bon Bida, Zorg en Welzijn Groep, FKPD i Fysio di Bario.
E tres Embahador/Entrenadónan ta representá Fundashon Mariadal i Kas Flamboyan.
Direktiva di Fundashon Alzheimer Bonaire ta sumamente orguyoso i kontentu di por redondá e trayekto DEDICATED akí i asina perkurá pa mas inovashon den kuido na Bonaire, loke no tabata posibel sin e kolaborashon fantástiko i e sosten di DEDICATED Team for di Maastricht i di nos kolaboradónan di kuido. Nos kolaboradónan di kuido ta kapabel awor pa ofresé kuido kualitativo pa mehoransa di kalidat di bida di personanan ku demensia.
BròKèS 93.5 ………… Skuch’é!
.png)
Comments