- Nov 18, 2022
- 1 min read

Bon notisia pa trahadó: Selibon ta risibí èkstra supsidio

Djaweps 17 di novèmber 2022, Selibon N.V. a risibí e montante di supsidio adishonal, konforme e akuerdo di kontrato di kuido entre Selibon i Entidat Públiko Boneiru (EPB).

Selibon a entregá un petishon na Gobièrnu di Boneiru pa sosten finansiero. E petishon aki ta pa kubri entre otro palabrashonnan akordá den e Kontrato Kolektivo di Trabou 2022 (CAO).

Pa medio di esaki Selibon ta anunsiá ku pa luna di novèmber tur empleado lo risibí nan suèldu konform’é CAO nobo.

Esaki ta bon notisia pa e empleadonan. Gerensia ta gradisí tur empleado i tambe e sindikato pa nan pasenshi den e kuadro aki.