Ultimo fecha pa registrá 10 di febrüari 2023. No ked’afo!
Dia 10 i 11 di mart 2023 NGO Plataforma den koperashon ku Oranje Fonds ta organisá e di 13 edishon di e akshon di boluntario mas grandi na Boneiru BON DOET! E tema di e edishon aki lo ta ‘duradero’. Esei ta referí na nos naturalesa pero tambe na e importansia i efekto di trabou boluntario duradero pa nos komunidat.
E tim di BON DOET i Oranje Fonds ke laga mira kon importante suidadanonan aktivo ta pa komunidat, pero tambe kon dushi trabou boluntario por ta. Den dos dia ta hasi desénas di djòp serka fundashon- i asosashonnan i tur hende ta keda invitá pa partisipá.
BON DOET ta un oportunidat úniko pa organisashonnan soshal presentá nan kousa, grupo di enfoke i organisashon. Partisipá bo tambe i registrá un djòp of inskribí komo boluntario. E último fecha pa registrá un djòp pa BON DOET 2022 ta 10 di febrüari 2023.
BON DOET - hasi bon, pasa bon!
===========================================
BròKèS 93.5 ………… Skuch’é! https://www.radio935bonaire.com http://radio.garden/listen/bro-ke-s-93-5-fm-boneiru/a1YG6S77 https://www.basilachill.com/#!radio/radiobrokes http://brokes935fm.radiostream123.com https://liveonlineradio.net/radio-brokes-935-Radio
.png)
