top of page
ggzsjjg.png

BOLETIN SPESIAL Nr. 1 SERVISIO METEOROLÓGIKO KÒRSOU, DJÁRASON 1 DI NOVÈMBER 2023, 21:30.


BOLETIN SPESIAL Nr. 1 SERVISIO METEOROLÓGIKO KÒRSOU DJÁRASON,

1 DI NOVÈMBER 2023, 21:30 O.L. UN MENSAHE DI PREKOUSHON (KÓDIGO HEL) PA MAL TEMPU TA NA VIGOR. ANÁLISIS DI PRONÓSTIKO TA INDIKÁ DESAROYO DI MAL TEMPU KU POR TA UN MENASÁ PA PARTI DI KÒRSOU.

E KONDISHONNAN AKI LO DURA FOR DI DJÁRASON, 1 DI NOVÈMBER 2023, 23:00 O.L. TE DJAWEPS, 2 DI NOVÈMBER 2023, 04:00 O.L.


IMPAKTO ANTISIPÁ: Áwaseru fuerte ku por kousa inundashon na sierto parti di nos isla(nan). Ráfaga di bientu por kousa lokalmente sierto destrukshon riba su ruta. Ola haltu na kostanan sùit i wèst por kousa daño na boto chiki kantu di awa i tambe na fasilidatnan na playa. Welek por kai i kousa daño na aparatonan i otro opheto.


MEDIDA DI PREKOUSHON: Saka stèker di aparatonan elektróniko afó i no hasi uso di esakinan durante di un evento di welek ku bos. Usa telefòn ku waya solamente den kaso di emergensia. Mara ophetonan ku ta lòs pafó i pone bo mes i bo bestianan di kas den seguridat. No usa palunan aislá pa skonde. No pasa den kaya òf área inundá, òf kaminda ku tin roi grandi ta kore. Sali for di boto i alehá bo mes for di awa, si esei ta posibel.


DEFINISHONNAN: Un Boletin Spesial ta ser emití pa eventonan di wer ku ta kousa inkonbeniensia general òf preokupashon den pueblo (ku ta rekerí atenshon i akshon di outoridatnan di brantwer i polis) i ku no por ser deskribí na un manera adekuá den un pronóstiko di tempu regular.


Un Mensahe di Prekoushon pa Mal Tempu ta un anunsio pa ora ku mal tempu ta posibel (probabilidat di 10 pa 30%) denter di próksimo 8 pa 24 oranan.


E frase ku ta kuminsá ku E KONDISHONNAN AKI LO DURA FOR ta duna un aproksimashon di e periodo di durashon di e kondishonnan di peliger.


KEDA PENDIENTE PA MAS INFORMASHON.


E siguiente boletin; djaweps, 2 di novèmber 2023, 03:30l.

10 views

Comments


BROKES 93.5 - Mas i Mas ta skuch'e

Kontakto

Buskando mas informashon?
Tuma kontakto ku nos awe mes.

STUDIO; +599 701 0935

Djòni Leoneta; +599 786 9091

Ethel Leoneta; +599 796 9133

Djaluna pa djabièrnè

8or di mainta pa 6or di atardi

  • Instagram
  • YouTube
  • Facebook

Danki pa komunuika ku nos!

Nos Klientenan Felis

"Add a testimonial that a happy customer or client has said about working with you."

Amanda Johns, COO, HORIZON

Diamonds Music Logo.jpg
mcb.png
Untitled_edited.jpg
Logo - My Eye Optical.jpg
Bashi.png
bottom of page