Aktualmente riba enkargo di Bonaire Overheids Gebouwen (BOG) ta trahando riba Kompleho Deportivo Jorge Nicolaas na Kaya Amsterdam. Ta pone entre otro un dak nobo. Esaki relashoná ku e echo ku e dak ta pasa awa na vários kaminda. Tambe ta bai pone lus di LED ku ta gasta menos koriente i ku ta kumpli ku reglanan internashonal pa lus ora tin kompetensia deportivo.
Espektativa ta ku e trabou akí ta bai dura un siman. Durante e periodo akí e sala di deporte no ta aksesibel pa públiko. Ya kaba usuarionan a risibí informashon apart tokante esaki. BOG ta ehekutá e trabou di mantenshon den sinkronisashon estrecho ku Indebon i e kontratistanan RMD Advies & Ontwikkeling i Bonaire Installatietechniek. E partidonan ke traha huntu pa yega na profeshonalisashon di e kompleho deportivo. Mantenshon periódiko ta esensial den esaki.
Mantenshon di ofisina di BHM/BOG/TCB
Na e ofisina kompartí di BHM, BOG i TCB na Kaya Grandi tambe a kuminsá ku trabou di mantenshon. Meskos ku na e sala di deporte Jorge Nicolaas, akí tambe ta renobá e dak. Na momentu ku ta ehekutando e trabou akí, kuminsamentu di Kaya Grandi ta será. Ta verwagt ku e parti di e kaya akí ta aksesibel atrobe pa tráfiko for di 24 di sèptèmber.
BròKèS 93.5 ………… Skuch’é!
.png)
Comentários