top of page
ggzsjjg.png

Bishita di DUO na área karibense tabata eksitoso


Bishita di DUO na área karibense tabata eksitoso


E kampaña di hèrfst di Dienst Uitvoering Onderwijs (DUO) den área karibense ku resientemente a terminá, tabata un éksito rotundo. Aparte ku a habri ofisinanan di servisio temporal, tabatin enkuentronan informativo, ‘webinars’ i a duná ayudo na midí den kaso di problemanan di pago. I pa di promé bia a bishitá tur seis isla den e área karibense den un solo kampaña.


E bishitanan klaramente ta satisfasé un nesesidat. Kompará ku e kampaña kombiná di hèrfst di 2021 i e kampaña di primavera pasá a nota un oumento di alrededor di 50 porsiento den bishitante. E atenshon den medionan pa i durante e kampaña sigur a yuda den esaki.


Futuro i eks studiantenan

Pa futuro studiantenan tabatin enkuentronan bon bishitá kaminda, huntu ku mayornan, nan a tende risibí informashon tokante finansiamentu di estudio i otro asuntunan ku nan mester regla na Hulanda.


Pa eks studiantenan tabatin enkuentronan ku splikashon tokante posibilidat pa pidi un evaluashon di forsa finansiero, pagamentu bèk lokalmente i kiko pa hasi den kaso di problema ku pagamentu. Na e bali habrí na e ofisinanan di servisio a duna asistensia pa hasi petishon pa un evaluashon di forsa finansiero. Belastingdienstnan riba e diferente islanan tabata hopi servisial den esaki. Nan a pèrkurá pa entrega rápido di e deklarashonnan di entrada nesesario na e eks studiante, di manera ku por manda esaki mesora komo komprobante huntu ku e petishon.


E aña akí tabatin atenshon speshal pa uso di ‘Mijn DUO’. Eks studiantenan despues di inisiá un seshon ku un DigiD, por a wak nan dato- i mensahenan via ‘Mijn DUO’. Asina nan no ta dependé mas di pòst. Si eks studiantenan no tin akseso (mas) na Mijn DUO, nan por regla nan asuntunan online atrobe despues di pidi un DigiD nobo.


Meskos ku den e kampañanan anterior DUO a ofresé ayudo na midí den kaso di problema ku pago. Eks studiantenan por a traha afsprak na e ofisinanan di servisio pa yega na solushonnan na midí pa retrasonan den pagamentu.


Sifranan bunita

Den e periodo entre 31 di òktober i 9 di desèmber a bishitá tur seis islan. Den e periodo ei 1450 bishitante a presentá na e bali habrí. Muchu mas kompará ku e bishitanan anterior.


Durante e kampaña di hèrfst (Aruba i Kòrsou) tabatin 718 bishitante i durante e kampaña di primavera 2022 (Sint Maarten, Saba, Sint Eustatius i Bonaire) tabatin 326 bishitante.

E reakshonnan riba e ofisinanan di servisio temporal tabata hopi positivo. Tabata pa di promé bia ku a habri anochi tambe un bia pa siman, ku a ser bon bishitá. Ta parse ku e ta satisfasé un nesesidat. E mini kampaña pa laga personanan ku problema pa inisiá un seshon hasi uso atrobe di Mijn DUO klaramente tin su efekto.


E aña benidero tin atrobe kampañanan den e área karibense riba agènda.

===========================================

BròKèS 93.5 ………… Skuch’é!

5 views

Comentários


BROKES 93.5 - Mas i Mas ta skuch'e

Kontakto

Buskando mas informashon?
Tuma kontakto ku nos awe mes.

STUDIO; +599 701 0935

Djòni Leoneta; +599 786 9091

Ethel Leoneta; +599 796 9133

Djaluna pa djabièrnè

8or di mainta pa 6or di atardi

  • Instagram
  • YouTube
  • Facebook

Danki pa komunuika ku nos!

Nos Klientenan Felis

"Add a testimonial that a happy customer or client has said about working with you."

Amanda Johns, COO, HORIZON

Diamonds Music Logo.jpg
mcb.png
Untitled_edited.jpg
Logo - My Eye Optical.jpg
Bashi.png
bottom of page