top of page
ggzsjjg.png

Biblioteka Públiko Boneiru Ta Muda Temporalmente Pa Kaya Amsterdam

Promé ku fin di aña Biblioteka Públiko Boneiru ta muda temporalmente pa e edifisio nobo na Kaya Amsterdam banda di Penha. E biblioteka nobo tin un oferta mas amplio di aktividat pa tur hende. Tin un ‘Makerspace’, un sitio kaminda hóbennan por eksperimentá ku por ehèmpel 3-D printing pa atkirí konosementu.

Pa e muchanan mas chikitu tin un huki di lesa masha ‘cosy’ mes. Den un espasio apart bishitantenan mas grandi por haña instrukshon kon pa traha ku kòmpiuter i siña kon nan por regla nan asuntunan online.



E planifikashon ta ku e biblioteka temporal na Kaya Amsterdam mas òf ménos na aña 2030 ta muda bai un lugá fiho. Turesten e biblioteka na Kaya Amsterdam por desaroyá i bira un biblioteka ku ta kuadra ku e tempu moderno ku nos ta biba den.


Un biblioteka ku ta un sitio di enkuentro pa grandi i chikí. I kaminda tin hopi mas tantu kos pa hasi ku solamente fia buki.

Miéntras e biblioteka ta na e adrès temporal, ta hasi investigashon pa wak kiko e biblioteka tin ku disponé di dje na aña 2030. Den esaki ta tene kuenta ku deseonan di e gerensia, pero tambe ku deseonan di nos poblashon lokal.


Na aña 2022 nan a hasi investigashon na Boneiru pa haña sa kiko e biblioteka tin ku kumpli kuné. Den e diseño pa e biblioteka ta tene kuenta ku deseo i ekspektativa di bishitantenan i usuarionan.



Jennifer Pocornie-Martis, hefe di Biblioteka Públiko Boneiru, ta kontentu ku e mudansa pa un edifisio temporal. “Tabata un búskeda ku a dura largu, pero awor nos tin un edifisio temporal ku nos por ta orguyoso di dje. E ta situá na un sitio sentral i e tin masha hopi lugá pa stashoná outo. Den e edifisio nobo fásilmente nos por organisá diferente aktividat na mes momentu pa mucha, pa adolesente i pa adulto.

Biblioteka Públiko Boneiru ta bira un sitio kaminda bo ta bai pa topa hende, lesa korant, sigui un kurso di kapasitashon, djis pa menshoná algun,” asina Pocornie-Martis a splika.


Durante e lunanan binidero nan ta bai traha duru pa kaba ku e konstrukshon i pa ekipá e biblioteka. Riba djabièrnè 31 di mei 2024 biblioteka a tene un presentashon tokante e plannan pa e edifisio na Kaya Amsterdam.

Pa fin di aña tin un apertura festivo di e edifisio planiá. Periódikamente biblioteka lo informá nos habitantenan tokante e trabou na e edifisio nobo.         

1 view

Comments


BROKES 93.5 - Mas i Mas ta skuch'e

Kontakto

Buskando mas informashon?
Tuma kontakto ku nos awe mes.

STUDIO; +599 701 0935

Djòni Leoneta; +599 786 9091

Ethel Leoneta; +599 796 9133

Djaluna pa djabièrnè

8or di mainta pa 6or di atardi

  • Instagram
  • YouTube
  • Facebook

Danki pa komunuika ku nos!

Nos Klientenan Felis

"Add a testimonial that a happy customer or client has said about working with you."

Amanda Johns, COO, HORIZON

Diamonds Music Logo.jpg
mcb.png
Untitled_edited.jpg
Logo - My Eye Optical.jpg
Bashi.png
bottom of page