top of page
ggzsjjg.png

BHM TA ENTREGA KUENTANAN ANUAL 2023 APROBA DI BONLAB I BOG

Dia 4 i 18 di yüni Bonaire Holding Maatschappij (BHM) a entregá e kuentanan anual ku

deklarashon aprobá di akountent di e kompanianan supsidiario Bonaire Overheidsgebouwen (BOG) i Bonaire Laboratorium (BONLAB) serka Entidat Públiko Boneiru. Segun akountent independiente e sifranan ta duna un imágen realístiko di situashon finansiero di e dos kompanianan di Gobièrnu.

 


Adely Susana-Jansen, direktor-ehekutivo di BHM, ta kompartí ku orguyo: “Pa BHM esaki ta un logro signifikativo, despues di hopi aña nos a logra pa entrega e sifranan anual di 2023, konforme statuto, kontrola i aprobá na tempu pa BOG i BONLAB. Ku esaki BOG i BONLAB ta e promé dos kompanianan di Gobièrnu bou di maneho di BHM ku ta “up-to-date” ku kontrolamentu di nan sifranan anual. E kuenta anual di BOG a keda entrega dor di akountent 22 di mart 2024 i di BONLAB 7 di yüni 2024.

 

Señora Susana-Jansen, ku for di luna di novèmber 2020 a keda nombra komo direktor-ehekutivo pa traha riba mehorashon di ‘corporate governance’ di kompanianan di Gobièrnu ku ta kai bou di BHM, ku orguyo a bisa: ‘Nos ta hopi kontentu ku nos a yega asina leu i ta spera ku e otro kompanianan supsidiario tambe por finalisá nan kuentanan anual te ku 2023. Mi aspirashon ta pa nos kompanianan supsidiario keda “up-to-date” ku nan maneho finansiero, konforme statutonan i prinsipionan di bon gobernashon.’

 

Desaroyo positivo na BONLAB

BONLAB ta pasando den un proseso di transishon pa orientá riba áreanan nobo manera realisashon adekuá di tèstnan di salú públiko, krea fasilidat di laboratorio di kuminda, airu i suela i ampliashon di e laboratorio di awa. ‘Ta un tempu nobo pa BONLAB,’ Anneke Visser, direktora di BONLAB a bisa. ‘Danki na sosten imenso di Gobièrnu di Boneiru, ku ta hasi’e aun mas esensial pa nos tene nos maneho finansiero na òrdu i pa nos por reportá nos situashon finansiero na un manera habri i transparente.’

Señora Visser ta orguyoso ku despues di añanan di atraso, a logra entrega kuentanan anual 2023 di BONLAB e aña aki ku un deklarashon aprobá di akountent. ‘Nos lo sigui riba mesun kaminda,’ Señora Visser a añadí.

 

Otro kompanianan supsidiario

BHM ta haña di gran importansia ku tur su kompanianan supsidiario ta i ta keda finansieramente salú, sigur pasobra ta trata di kompanianan ku ta okupá un ròl hopi importante den nos komunidat i ku ta ofresé empleo na hopi boneriano. Pa e motibu akí den e periodo benidero lo traha intensivamente pa

optené sifranan anual aprobá di TELBO (2020-2023), SELIBON (2022-2023 i TCB (2023).

2 views

Comentarios


BROKES 93.5 - Mas i Mas ta skuch'e

Kontakto

Buskando mas informashon?
Tuma kontakto ku nos awe mes.

STUDIO; +599 701 0935

Djòni Leoneta; +599 786 9091

Ethel Leoneta; +599 796 9133

Djaluna pa djabièrnè

8or di mainta pa 6or di atardi

  • Instagram
  • YouTube
  • Facebook

Danki pa komunuika ku nos!

Nos Klientenan Felis

"Add a testimonial that a happy customer or client has said about working with you."

Amanda Johns, COO, HORIZON

Diamonds Music Logo.jpg
mcb.png
Untitled_edited.jpg
Logo - My Eye Optical.jpg
Bashi.png
bottom of page