top of page
ggzsjjg.png

Benito Dirksz ta reakshoná riba komunikado di Willem Cecilia


E komunikado di Dr. Willem Cecilia ta kontene algun sugerensha interesante i inovativo pa den futuro. Sinembargo e aporte ta menos al kaso pa loke ta e esensia di e moshon.


Durante e ultimo kampaña elektoral diferente partido politiko, ku palabranan kasi identiko a indika ku e padrastro di Den Haag ta baiendo muchu leu i ku Boneiru mester ta mas asertivo i mester aktua mas sigur den su relashon ku gobiernu Hulandes.


E partidonan lokal ariba menshoná awor tin un mayoría amplio den konseho insular. Pues ta na su luga pa asumi ku e mensahe aki a rezona serka un gran parti di nos poblashon.


E leinan WolBES i FinBES, huntu ku otro leinan relevante, ta duna kontenido i ehekushon na e “status aparte” konstitushonal ku Boneiru, Saba i Statia ta eherse for di 2010 den Reino Hulandes.


Prome ku e “inklushon” aki den país Hulanda tabatin diferente negosashonnan entre Kralendijk i Den Haag. Na e momentu ei Boneiru no tabata forma parti di Pais Hulanda si no mas bien un parti di èks Antianan Hulandes.


WolBES i FinBES ta determina e struktura gubernamental, administrativo i e struktura finansiero di Boneiru. E leinan aki pues ta di gran importansha konstitushonal pa Boneiru.

Apesar ku e palabrashonnan ta parse di a haña forma di un lei formal, segun e moshon ta indika, teniendo kuenta ku e historia tras di kreashon i desaroyo di e relashon i tambe reglanan bilateral anterior di Reino entre Boneiru i Hulanda, ta praktikamente inkonsebibel ku e legislador ta kambia e leinan aki sin konsúlta politiko entre nos isla i Den Haag. Na momentu ku Boneiru a bira parti di Hulanda, Den Haag i Kralendijk a drenta den un tipo di akuerdo matrimonial.


No por ta asina ku unilateralmente, esta ku e legislador na Den Haag, sin un akuerdo politiko ku Boneiru, ta kambia esaki.


Pues en konklushon, lesando e komunikado kaminda Dr. Willem Cecilia ta bruha tur kos den otro sin pia i sin kabes, e pregunta kardinal awor aki ta: Ta interes di ken Dr. Willem Cecilia ta sirbiendo?


BròKèS 93.5 ………… Skuch’é!

3 views

Comments


BROKES 93.5 - Mas i Mas ta skuch'e

Kontakto

Buskando mas informashon?
Tuma kontakto ku nos awe mes.

STUDIO; +599 701 0935

Djòni Leoneta; +599 786 9091

Ethel Leoneta; +599 796 9133

Djaluna pa djabièrnè

8or di mainta pa 6or di atardi

  • Instagram
  • YouTube
  • Facebook

Danki pa komunuika ku nos!

Nos Klientenan Felis

"Add a testimonial that a happy customer or client has said about working with you."

Amanda Johns, COO, HORIZON

Diamonds Music Logo.jpg
mcb.png
Untitled_edited.jpg
Logo - My Eye Optical.jpg
Bashi.png
bottom of page