Dia 8 di mart a entregá e último karchinan di vota. En total nos por a entregá 97% di tur e karchinan di vota. E sobrá 3%, respektivamente 565 karchi di vota, a bini bèk pa motibu di un adrès robes òf pasobra no tin un brivenbùs. Den kaso ku inesperadamente bo no a risibí bo karchi di vota, bo por bai tuma bo karchi di vota for di 9 di mart. Pa esaki e bali na Komunidat i Kuido, Kaya Neerlandia 41 (enfrente Registro Sivil) ta habrí riba djaweps 9 di mart, djabièrnè 10 di mart i djaluna 13 di mart for di 9.00 or te 18.00 or i riba djamars 14 di mart for di 08.00 or te 12.00 or. Si nan no tin bo karchi di vota einan, nan ta manda bo na Registro Sivil na otro banda di kaya, kaminda na e bali di informashon bo por hasi petishon pa un karchi di vota remplasante. E orario ku e bali di informashon di Registro Sivil ta habrí ta riba e dianan menshoná akí riba te 18.00 or.
Paga tinu! Solamente karchi di vota ku no a keda entregá pa motibu di un adrès robes òf pasobra no tin un brivenbùs, por bai tuma na bali di Komunidat i Kuido. Pa karchi di vota ku a pèrdè òf ku ta kibrá mester hasi petishon via Registro Sivil, di manera ku por entregá un karchi di vota remplasante.
Na momentu ku entregá un karchi di vota remplasante, e karchi di vota original ta kaduká. Hasi uso di e karchi di vota original despues di a pidi un karchi di vota remplasante ta kastigabel pa lei. Tur forma di froude ku karchi di vota, vòlmagt òf di kualke otro manera ta kastigabel pa lei.
===========================================
BròKèS 93.5 ………… Skuch’é!
.png)
Kommentare